JPC માં લોકસભાના ૨૭ અને રાજ્યસભાના ૧૨ સભ્યો થશે સામેલ
(સંપૂર્ણ સમાચાર સેવા)
એક દેશ, એક ચૂંટણી’ પર બનેલી સંયુક્ત સંસદીય સમિતિ (JPC )ની પ્રથમ બેઠક ૮ જાન્યુઆરીએ યોજાશે. JPC ના અધ્યક્ષ પીપી ચૌધરીએ આ બેઠક બોલાવી છે. ગયા અઠવાડિયે જ સંસદે ‘વન નેશન, વન ઇલેક્શન’ પર પેનલ બનાવવાનો પ્રસ્તાવ પસાર કર્યો હતો. રાજ્યોમાંથી મહત્તમ પ્રતિનિધિત્વ સુનિશ્ચિત કરવા JPC માં ૩૯ સભ્યો હશે. આ સંયુક્ત સંસદીય સમિતિની અધ્યક્ષતા પૂર્વ કાયદા મંત્રી પીપી ચૌધરી કરશે. JPC માં લોકસભાના ૨૭ અને રાજ્યસભાના ૧૨ સભ્યો હશે.
લોકસભાના જે ૨૭ સભ્યોને JPC માં સામેલ કરવામાં આવ્યા છે તેમાં પીપી ચૌધરીનું નામ સૌથી પહેલું છે. બીજા નંબરે CM રમેશ, ત્રીજા નંબરે બાંસુરી સ્વરાજ, ચોથા નંબર પર પરષોત્તમભાઈ રૂપાલા અને પાંચમા નંબરે અનુરાગ સિંહ ઠાકુરનું નામ છે. વિષ્ણુ દયાલ રામની સાથે ભર્ત્રીહરિ મહતાબ, સંબિત પાત્રા, અનિલ બલુની, વિષ્ણુ દત્ત શર્મા, બૈજયંત પાંડા, સંજય જયસ્વાલ, પ્રિયંકા ગાંધી, મનીષ તિવારી, સુખદેવ ભગત પણ JPC માં હશે.
ધર્મેન્દ્ર યાદવ, છોટાલાલ, કલ્યાણ બેનર્જી, ટીએમ સેલ્વગણપતિનો પણ JPC માં સમાવેશ કરવામાં આવ્યો છે. GM હરીશ બાલયોગી, અનિલ યશવંત દેસાઈ, સુપ્રિયા સુલે, શ્રીકાંત એકનાથ શિંદે, શાંભવી, કે રાધાકૃષ્ણન, ચંદન ચૌહાણ અને બી વલ્લભનેની પણ વન નેશન, વન ઈલેક્શન સંબંધિત બંધારણ સુધારા વિધેયકની ચકાસણી કરવા માટે રચાયેલ JPC ના સભ્યો હશે.
બપોરે ૧૨ વાગ્યે રાજ્યસભાની કાર્યવાહી શરૂ થતાંની સાથે જ કાયદા પ્રધાન અર્જુન રામ મેઘવાલે એક રાષ્ટ્ર, એક ચૂંટણીને લઈને JPC માં ઉપલા ગૃહમાંથી ૧૨ સભ્યોના નામનો પ્રસ્તાવ રજૂ કર્યો હતો. કાયદા મંત્રીએ JPC માં રાજ્યસભામાંથી ઘનશ્યામ તિવારી, ભુવનેશ્વર કલિતા, કે લક્ષ્મણ, કવિતા પાટીદાર, સંજય કુમાર ઝા, રણદીપ સુરજેવાલા, મુકુલ વાસનિક, સાકેત ગોખલે, પી વિલ્સન, સંજય સિંહ, માનસ રંજન મંગરાજ અને વી વિજય સાઈ રેડ્ડીના નામનો પ્રસ્તાવ મૂક્યો. રાખ્યું જેને ઉપલા ગૃહે મંજૂરી આપી હતી.
કાયદા પ્રધાન અર્જુન રામ મેઘવાલ દ્વારા લોકસભામાં મૂકવામાં આવેલા આ પ્રસ્તાવમાં એ પણ સ્પષ્ટ છે કે જેપીસી સંસદમાં પોતાનો રિપોર્ટ ક્યારે રજૂ કરશે. તેમાં કહેવામાં આવ્યું છે કે JPC આગામી સત્રના છેલ્લા સપ્તાહના પહેલા દિવસે ગૃહમાં તેનો અહેવાલ રજૂ કરશે. JPC માં રાજ્યસભાના ૧૨ સભ્યો પણ સામેલ થશે. તેમના નામ હજુ જાહેર કરવામાં આવ્યા નથી.
