Last Updated on by Sampurna Samachar
દરેક કામદારને સમયસર તેમનું લઘુત્તમ વેતન મળશે
ભારતમાં ચાર નવા શ્રમ કાયદા લાગુ કરાયા
(સંપૂર્ણ સમાચાર સેવા)
ભારત સરકાર દ્વારા લાથો કામદારો માટે મહત્વપૂર્ણ નિર્ણય લીધો છે. જેનો કામદારો વર્ષોથી રાહ જોઈ રહ્યા હતા. શ્રમ મંત્રી મનસુખ માંડવિયાએ જાહેરાત કરી કે, ૪ નવા શ્રમ સંહિતા આજથી દેશભરમાં અમલમાં આવી ગયા છે. સરકાર આને માત્ર એક સુધારો નહીં, પરંતુ કામદારોના સન્માનમાં એક નવો અધ્યાય કહી રહી છે.
નવા શ્રમ સંહિતા લાગુ થવાથી, દરેક કામદારને સમયસર તેમનું લઘુત્તમ વેતન મળશે. કોઈપણ કામમાં પારદર્શિતા સુનિશ્ચિત કરવા માટે યુવાનો માટે નિમણૂક પત્ર ફરજિયાત બનાવવામાં આવ્યા છે. હવે મહિલાઓ માટે સમાન વેતનની સ્પષ્ટ ગેરંટી છે, જેનો અર્થ છે કે, લિંગ ભેદભાવ માટે કોઈ અવકાશ રહેશે નહીં.
કામદાર ન્યાય અને કામદાર ગૌરવના નવા યુગનો પ્રારંભ
સરકારનો દાવો છે કે, લગભગ ૪૦ કરોડ કામદારો હવે સામાજિક સુરક્ષા હેઠળ આવશે. ફિક્સ્ડ ટર્મ કર્મચારીઓ પણ માત્ર એક વર્ષ પછી ગ્રેચ્યુઇટી મેળવવા માટે હકદાર બનશે. ૪૦ વર્ષથી વધુ ઉંમરના કામદારો માટે મફત વાર્ષિક આરોગ્ય તપાસ ફરજિયાત બનાવવામાં આવી છે. ઓવરટાઇમ કામદારોને હવે બમણું વેતન મળશે, અને જોખમી વિસ્તારોમાં કામ કરતા લોકોને ૧૦૦% આરોગ્ય સુરક્ષા મળશે. સરકાર આંતરરાષ્ટ્રીય ધોરણો અનુસાર કામદારોને સામાજિક ન્યાય આપવાનો પણ દાવો કરે છે.
નવા શ્રમ સંહિતાની ખાસિયત
બધા કામદારો માટે સમયસર લઘુત્તમ વેતનની ખાતરી
હવે કોઈપણ કંપની અથવા નોકરીદાતા માટે વેતન રોકવું કે, વિલંબિત કરવું સરળ રહેશે નહીં.
દરેક યુવા માટે નિમણૂક પત્ર ફરજિયાત
હવે જોડાતા જ નિમણૂક પત્ર પ્રાપ્ત થશે. નોકરીની સુરક્ષા અને સ્પષ્ટ શરતો બંનેની ખાતરી આપવામાં આવી છે.
મહિલાઓ માટે સમાન પગાર અને સમાન આદર
લિંગ-આધારિત પગાર અસમાનતાનો અંત, તમામ હોદ્દાઓ પર સમાન અધિકારો
૪૦ કરોડ કામદારો માટે સામાજિક સુરક્ષા કવરેજ
દેશના અડધાથી વધુ કાર્યબળને પહેલીવાર આટલી વ્યાપક સુરક્ષા છત્ર હેઠળ આવરી લેવામાં આવ્યું છે.
ફક્ત એક વર્ષ પછી ફિક્સ્ડ ટર્મ કર્મચારીઓને ગ્રેચ્યુઇટી મળશે
હવે કોન્ટ્રાક્ટ કામદારોને પણ કાયમી કર્મચારીઓ જેટલું જ રક્ષણ મળશે.
૪૦+ વર્ષની ઉંમરના કામદારો માટે મફત વાર્ષિક આરોગ્ય તપાસ
સરકાર પોતે કહે છે કે, કાર્યબળનું સ્વાસ્થ્ય દેશની ઉત્પાદકતાની ચાવી છે.
ઓવરટાઇમ માટે ડબલ પગારની ખાતરી
હવે વધારાના કામ માટે સંપૂર્ણ અને વાજબી વળતર ચૂકવવામાં આવશે.
જાેખમી ક્ષેત્રોમાં ૧૦૦% આરોગ્ય સુરક્ષા
ખાણો, રસાયણો અને બાંધકામ જેવા ઉચ્ચ જાેખમવાળા કામોમાં કામ કરતા લોકો માટે સંપૂર્ણ સુરક્ષા
આંતરરાષ્ટ્રીય સામાજિક ન્યાય માળખું
ભારતના શ્રમ ધોરણો હવે વૈશ્વિક સ્તરે સ્પર્ધા કરે છે.
મોદી સરકારનો દાવો છે કે ,આ સુધારા ફક્ત શ્રમ કાયદા વિશે નથી, પરંતુ કામદાર ન્યાય અને કામદાર ગૌરવના નવા યુગનો પ્રારંભ છે. નવા શ્રમ સંહિતા ભારતને વૈશ્વિક શ્રમ ધોરણોની સમકક્ષ લાવવાનો પ્રયાસ છે.
