Last Updated on by Sampurna Samachar
વાવાઝોડા સાથે વરસાદ અને સમુદ્રમાં હાઈ ટાઈડનું એલર્ટ
ભારતીય હવામાન વિભાગે કરી આગાહી
(સંપૂર્ણ સમાચાર સેવા)
દેશના અનેક રાજ્યોમાં બરાબર રીતે ચોમાસુ બેસી ગયું છે. જ્યાં મહારાષ્ટ્રના ઘણા જીલ્લાઓમાં ધોધમાર વરસાદ નોંધાયો છે. દરમિયાન મુંબઇમાં વરસાદનું એલર્ટ જાહેર કરાયુ છે. સમુદ્રમાં હાઈ ટાઈડનું એલર્ટ છે. ભારતીય હવામાન વિભાગ અનુસાર મુંબઈમાં ધીમો ધીમો વરસાદ વરસશે. આ સાથે પાલઘર, ઠાણે અને અન્ય જીલ્લાઓમાં વરસાદની આગાહી છે.
મહારાષ્ટ્રના થાણેમાં છેલ્લા ૨૪ કલાકમાં ધોધમાર વરસાદ વરસ્યો હતો. આ દરમિયાન અધિકારીઓને વૃક્ષો અને દિવાલો પડવાની ફરિયાદો મળી હતી. જો કે કોઈ વ્યક્તિના ઘાયલ થવાની માહિતી હજી સુધી મળી નથી.
અત્યાર સુધી શહેરમાં કુલ ૫૩૪,૩૧ મિમી વરસાદ વરસ્યો
વાત કરીએ તો ભારે વરસાદને કારણે નવી મુંબઈના વાશીમાં એક વાણિજ્યિક વિભાગની દિવાલ પડવાથી સાત વાહનોને નુકસાન પહોંચ્યું હતું. તડવીએ જણાવ્યું હતું કે બાજુનો એક રસ્તો ઘસાઈ ગયો હતો જેના કારણે એક ટેમ્પો અને કેટલાક બે પૈડાવાળા વાહનો સહિત છ વાહનો દબાઈ ગયા.
અધિકારીએ જણાવ્યું હતું કે આ ઘટનામાં કોઈ ઘાયલ થયુ નથી. તેમણે જણાવ્યું હતું કે ૨૪ કલાકની અવધિ દરમિયાન શહેરમાં ૧૧૪.૩૧ મિમિ વરસાદ વરસ્યો હતો. અધિકારીઓએ જણાવ્યું કે આ ચોમાસામાં અત્યાર સુધીમાં શહેરમાં કુલ ૫૩૪,૩૧ મિમી વરસાદ વરસ્યો હતો. જોકે ગયા વર્ષે આ સમયે જ ૧૪૬.૪૫ મિમી વરસાદ થયો હતો.
