મહારાષ્ટ્રમાં ધારાસભ્યે બનાડાવ્યું ટ્રમ્પનુ આધાર કાર્ડ

Last Updated on 31/10/2025 by Sampurna Samachar

ભાજપના નેતાની ફરિયાદ બાદ પોલીસે કાર્યવાહી કરી

દક્ષિણ પ્રાદેશિક સાયબર પોલીસ સ્ટેશનમાં કેસ નોંધાયો

(સંપૂર્ણ સમાચાર સેવા)

મહારાષ્ટ્રમાં એક ધારાસભ્ય સામે અમેરિકાના રાષ્ટ્રપતિ ડોનાલ્ડ ટ્રમ્પ માટે નકલી આધાર કાર્ડ બનાવવાના આરોપમાં FIR  દાખલ કરવામાં આવી છે. ધારાસભ્ય રોહિત પવાર પર નકલી આધાર કાર્ડ કેસમાં આરોપ મૂકવામાં આવ્યો છે. આ ધારાસભ્ય NCP (શરદ પવાર જૂથ) ના રોહિત પવાર છે. મુંબઈના દક્ષિણ પ્રાદેશિક સાયબર પોલીસ સ્ટેશનમાં આ કેસ નોંધવામાં આવ્યો છે.

જણાવી દઈએ કે, પોલીસે IT એક્ટ હેઠળ કેસ નોંધ્યો છે. આ ફરિયાદ ભાજપના સોશિયલ મીડિયા કોઓર્ડિનેટર દ્વારા દાખલ કરવામાં આવી છે. ફરિયાદમાં કહેવામાં આવ્યું છે કે, ડોનાલ્ડ ટ્રમ્પ માટે નકલી આધાર કાર્ડ બનાવટી દસ્તાવેજોનો ઉપયોગ કરીને બનાવવામાં આવ્યું હતું. ધારાસભ્ય રોહિત પવારનું નામ આ સમગ્ર મામલા સાથે જોડાયેલું છે.

રોહિત અને વેબસાઇટ બનાવનારા સામે કેસ દાખલ

રોહિત પવારે એક પ્રેસ કોન્ફરન્સમાં ખુલાસો કર્યો કે, તેમણે નકલી દસ્તાવેજોનો ઉપયોગ કરીને ટ્રમ્પનું આધાર કાર્ડ કેવી રીતે મેળવ્યું હતું. પવારે કહ્યું કે, તેમનો ધ્યેય આધાર કાર્ડમાં રહેલી ખામીઓને ઉજાગર કરવાનો હતો. જોકે, નકલી આધાર કાર્ડ બનાવવું એ સજાપાત્ર ગુનો છે. ભાજપના એક નેતાની ફરિયાદ બાદ પોલીસે કાર્યવાહી કરી હતી. રોહિત અને વેબસાઇટ બનાવનારા અને તેનો ઉપયોગ કરનારાઓ સામે કેસ દાખલ કરવામાં આવ્યો છે.

નકલી દસ્તાવેજોનો ઉપયોગ કરવા, સિસ્ટમ સાથે છેડછાડ કરવા અને ઓળખ છુપાવવાના આરોપસર તેમની સામે ફરિયાદ દાખલ કરવામાં આવી છે. NCP ના સ્થાપક અને પૂર્વ મુખ્યમંત્રી શરદ પવારને પાંચ ભાઈ-બહેન હતા. તેમાંથી એક અપ્પા સાહેબના પુત્રો, રાજેન્દ્ર અને રણજીત હતા. રાજેન્દ્ર પવારના પુત્ર, રોહિત પવારે ૩૭ વર્ષની ઉંમરે રાજકારણમાં પોતાનું કૌશલ્ય દર્શાવ્યું હતું અને ધારાસભ્ય બન્યા છે. રોહિત પવારને NCP નેતાઓની આગામી પેઢીમાંના એક માનવામાં આવે છે.