Last Updated on by Sampurna Samachar
2 JF 17 , 1 મિરાજ જેટ, 1 AWACS અને 1C -૧૩૦ ભારતે તોડ્યા
પાકિસ્તાની વાયુસેનાના ૫ જવાનો માર્યા ગયા
(સંપૂર્ણ સમાચાર સેવા)
ભારતના ઓપરેશન સિંદૂરને કારણે પાકિસ્તાનને ઘણું નુકસાન થયું છે, પરંતુ તે આખી દુનિયામાં જુઠ્ઠાણા ફેલાવવાનું બંધ કરી રહ્યું નથી. ભારતીય સેનાએ પાકિસ્તાન સામે વળતો જવાબ આપ્યો અને તેના પાંચ વિમાન તોડી પાડયા હતા. આમાં ૨ ફાઇટર એરક્રાફ્ટનો પણ સમાવેશ થતો હતો. આ દરમિયાન, પાકિસ્તાનના વિદેશ મંત્રી ઇશાક ડાર તેમની સંસદમાં વાયુસેનાના ખોટા વખાણ કરતા જોવા મળ્યા હતા.
પહલગામ આતંકવાદી હુમલા પછી ભારતે ઓપરેશન સિંદૂર દ્વારા પાકિસ્તાન અને POK માં ૯ આતંકવાદી ઠેકાણાઓને નિશાન બનાવ્યા હતા. ભારતે ૬ અને ૭ મેના રોજ બે પાકિસ્તાની લડાકુ વિમાનોને તોડી પાડયા હતા. આ પછી ૮ અને ૯ મેના રોજ ૩ વિમાનોને તોડી પાડવામાં આવ્યા. ભારતે પાકિસ્તાનના ૨ JF 17 , ૧ મિરાજ જેટ, ૧ AWACS અને ૧ C -૧૩૦ (સંભવિત) તોડી પાડયા, પરંતુ પાકિસ્તાન દુનિયા સમક્ષ ખોટું બોલતા થાકતું નથી.
પાકિસ્તાનના વિદેશમંત્રીએ કર્યા સેનાના ખોટા વખાણ
પાકિસ્તાનના વિદેશ મંત્રી ઇશાક ડારે તાજેતરમાં જ તેમની સંસદમાં પાકિસ્તાન વાયુસેનાના ખોટા વખાણ કર્યા હતા. તેમણે કહ્યું હતું કે ધ ટેલિગ્રાફે પાકિસ્તાન વાયુસેનાની પ્રશંસા કરતો એક લેખ પ્રકાશિત કર્યો છે. જ્યારે આ સમાચાર ખોટા નીકળ્યા. પાકિસ્તાનના અખબાર ધ ડોને તેની ફેક્ટ ચેક કરી હતી અને તે દાવાને ખોટો જાહેર કર્યો હતો. ઇશાક ડારના કહેવા પ્રમાણે પાકિસ્તાને ૬ ભારતીય જેટ તોડી પાડયા હતા.
પહલગામ આતંકવાદી હુમલા પછી ભારતે ઓપરેશન સિંદૂર દ્વારા આતંકવાદી ઠેકાણાઓને નિશાન બનાવ્યા, પરંતુ પાકિસ્તાની સેના પણ તેમાં કૂદી પડી હતી. ભારતે પાકિસ્તાની સેના પર ગોળીબાર કર્યો અને તેને ભારે નુકસાન પહોંચાડયું. જવાબી કાર્યવાહીમાં, પાકિસ્તાની વાયુસેનાના ૫ જવાનો માર્યા ગયા. આમાં સ્ક્વોડ્રન લીડર ઉસ્માન યુસુફનો પણ સમાવેશ થતો હતો. પાકિસ્તાન આર્મીના એક નિવૃત્ત એર માર્શલે પણ નુકસાનનો ખુલાસો કર્યો હતો. તેમણે કહ્યું કે ભારતે ઘણું નુકસાન પહોંચાડયું છે.
ભારત અને પાકિસ્તાન વચ્ચે છેલ્લા કેટલાક દિવસોથી ચાલી રહેલા તણાવ વચ્ચે, પાકિસ્તાનના વડા પ્રધાન શાહબાઝ શરીફે શાંતિ અંગે મોટું નિવેદન આપ્યું છે.
પાકિસ્તાની PM એ કહ્યું કે તેઓ ભારત સાથે શાંતિ વાટાઘાટો કરવા તૈયાર છે. રોઇટર્સના અહેવાલ મુજબ, શાહબાઝ શરીફનું આ નિવેદન બંને દેશો વચ્ચે લશ્કરી કાર્યવાહી રોકવા માટે ૧૦ મે, ૨૦૨૫ ના રોજ થયેલા યુદ્ધવિરામ કરાર પર આવ્યું છે.
