Last Updated on by Sampurna Samachar
પોલીસે આરોપી સામે ગુનો નોંધી તપાસ હાથ ધરી
(સંપૂર્ણ સમાચાર સેવા)
કડી તાલુકાના વડુ ગામ પાસે આવેલી એક કંપનીમાં એક ચોંકાવનારી ઘટના બની છે. એક યુવકે મજાક-મજાકમાં પોતાનો જીવ ગુમાવવાનો વારો આવ્યો છે. યુવકનું મોત ત્યારે થયું જ્યારે તેના સાથી કર્મચારીના પિતરાઈએ તેણે એર કોમ્પ્રેસરથી તેના ગુદામાં હવા ભરી દીધી. આ કૃત્ય કરનાર આરોપી સામે કેસ નોંધવામાં આવ્યો છે.
પ્રાપ્ત માહિતી અનુસાર, વડુ ગામમાં લાયકા મેટલ નામની એક કંપની છે. મૂળ થરાદના પાવડાસ ગામના રહેવાસી અને કંપની ક્વાર્ટરમાં રહેતા ઘેવાભાઈ વણકર છેલ્લા બે મહિનાથી કંપનીમાં કામ કરતા હતા. તેનો પિતરાઈ ભાઈ અલ્પેશ વણકર પણ આ જ કંપનીમાં કામ કરે છે. ઘટનાના દિવસે, તેનો ભાઈ પ્રકાશ, જે અમદાવાદમાં કામ કરે છે, તેને મળવા આવ્યો હતો.
તે સમયે કંપમાં એર કોમ્પ્રેસરથી પેઇન્ટ સૂકવવાનું કામ ચાલી રહ્યું હતું. પછી અલ્પેશ વણકરને મજાક કરવાનું મન થયું. અલ્પેશે હવાના દબાણ માટે ઉપયોગમાં લેવાતા કોમ્પ્રેસરનો ઉપયોગ કરીને પ્રકાશ વણકરના ગુદામાં હવા ભરાવી. ગુદામાં હવા ભરાઈ જવાને કારણે પ્રકાશ વણકરની તબિયત બગડી ગઈ, તેથી તેમને તાત્કાલિક હોસ્પિટલમાં લઈ જવામાં આવ્યા. જ્યાં સારવાર દરમિયાન તેમનું મૃત્યુ થયું.
મૃત્યુ પછી, એર કોમ્પ્રેસરમાં હવા ભરનાર વ્યક્તિ સામે કેસ નોંધવામાં આવ્યો છે. અલ્પેશ વણકર સામે નંદાસણ પોલીસ સ્ટેશનમાં કેસ નોંધવામાં આવ્યો છે, જેમણે ગુદામાં હવા ભરાવી હતી. આમ, એક મજાકે કોઈનો જીવ લીધો.
