Last Updated on by Sampurna Samachar
અમેરિકાએ ૩,૦૦૦ ટાર્ગેટ હિટ કર્યા, ૧,૩૩૨નાં મોત
મિડલઈસ્ટમાં હજુય અફરાતફરીનો માહોલ યથાવત, હોર્મુઝની ખાડીમાં જહાજાેની અવરજવર શરૂ ન થઈ
(સંપૂર્ણ સમાચાર સેવા)
ઈરાન વૉરને એક અઠવાડિયું થઈ ચૂક્યું છે અને આ યુદ્ધના સમાપ્ત થવાના હાલ કોઈ અણસાર નથી દેખાઈ રહ્યા. આ યુદ્ધ થર્ડ વર્લ્ડ વૉરનું કારણ બનશે કે કેમ તેવી ચર્ચા વચ્ચે તેની ભયાનકતા અને વ્યાપ પણ દિવસેને દિવસે વધી રહ્યાં છે. હવે આ વૉર માત્ર અમેરિકા, ઈઝરાયેલ અને ઈરાન પૂરતું સિમિત ના રહી અન્ય દેશો સુધી પણ ફેલાઈ ગયું છે જેમાં જાનમાલનું વ્યાપક નુક્સાન થઈ રહ્યું છે અને સમગ્ર દુનિયામાં એનર્જી ક્રાઈસિસ ઉભી થવાનો ડર પણ ઉભો થયો છે.
એક તરફ ઈઝરાયેલ ઈરાનના સમગ્ર મિલિટરી ઈન્ફ્રાસ્ટ્રક્ચરને નેસ્તાનાબૂદ કરી દેવા મથી રહ્યું છે તો બીજી તરફ અમેરિકા પણ યુદ્ધ સમાપ્ત થાય તેવા કોઈ પ્રયાસ કરતું નથી દેખાઈ રહ્યું. ટ્રમ્પે શરૂઆતમાં જ કહ્યું હતું કે આ વૉર ચારથી પાંચ વીક ચાલશે, પરંતુ અમેરિકા લાંબી લડાઈ માટે પણ તૈયાર છે.
અમેરિકાએ બોમ્બર્સથી પણ હુમલો કર્યો છે અને ત્યારબાદ ઈરાન તરફથી કરાતા મિસાઈલ અટે્કસમાં ૯૦ ટકાનો ઘટાડો થયો હોવાના પણ દાવા કરાઈ રહ્યા છે.
હુમલામાં ઈરાનની નેવીને સૌથી વધુ નુક્સાન
યુએસ સેન્ટ્રલ કમાન્ડના જણાવ્યા અનુસાર ફેબ્રુઆરી ૨૮ના રોજ શરૂ થયેલા ઓપરેશન એપિક ફ્યુરી હેઠળ ઈરાનમાં ત્રણ હજારથી પણ વધુ ટાર્ગેટ્સને હિટ કરવામાં આવ્યા છે અને અમેરિકન સૈન્યના હુમલા ચાલુ જ છે.અત્યારસુધીના હુમલામાં ઈરાનની નેવીને સૌથી વધુ નુક્સાન થયું છે અને તેને એક યુદ્ધ જહાજ પણ ગુમાવવું પડ્યું છે, આ ઉપરાંત ૧૩૩૨ સિવિલિયન્સના પણ મોત થયા છે.
તો બીજી તરફ, ડોનલ્ડ ટ્રમ્પે ઈરાન કોઈ જ શરત વિના સરેન્ડર ના કરે ત્યાં સુધી તેની સાથે કોઈ પ્રકારની વાતચીત નહીં થાય તેવી વાત કરતા યુદ્ધ વહેલું પૂરું થવાની રહી-સહી આશા પર પણ પાણી ફરી વળ્યું છે.ઈરાન સિવાય હવે ઈઝરાયેલનું સૈન્ય લેબનોન પર પણ બોંબમારો કરી રહ્યું હોવાથી દેશની રાજધાની બૈરૂતમાંથી મોટાપાયે પલાયન શરૂ થયું છે. આ ઉપરાંત હોર્મુઝની ખાડીમાંથી હજુય જહાજાેની અવરજવર શરૂ ના થઈ હોવાથી ક્રુડના ભાવ સતત વધી રહ્યા છે તેમજ મિડલઈસ્ટમાં ફ્લાઈટ્સ પણ ખૂબ જ મર્યાદિત સંખ્યામાં શરૂ થઈ હોવાથી મોટી સંખ્યામાં પેસેન્જર્સ અટવાયેલા છે.
ઈરાન અને અમેરિકાના હુમલાનો જવાબ આપતા ઈરાન પણ ડ્રોન અને મિસાઈલ્સથી સતત અટેક કરી જ રહ્યું છે.
તેના કારણે નુક્સાન ભલે ખૂબ જ ઓછું થઈ રહ્યું હોય પરંતુ ભયનો માહોલ સર્જાવાના કારણે એરપોર્ટ્સ ઉપરાંત ઓઈલ ફેસિલિટીનું કામકાજ ખૂબ જ ગંભીર રીતે પ્રભાવિત થયું છે. શુક્રવારે ઈરાન દ્વારા લોન્ચ કરાયેલી નવ મિસાઈલ્સ અને ૧૦૦ ડ્રોન્સને ઈન્ટરસેપ્ટ કર્યા હતા. આ મામલે ઈરાનના પ્રેસિડેન્ટે દેશને સંબોધતા એવું જણાવ્યું હતું કે જાે પાડોશી દેશોમાંથી ઈરાન પર અટેક નહીં થાય તો ઈરાન પણ તેમના પર હુમલો કરવાનું બંધ કરી દેશે.
તેમણે એવી પણ વાત કરી હતી કે કમાન્ડર્સના મોત થતાં ઈરાનીયન મિલિટરી યુનિટ્સ પોતાની રીતે હુમલા કરી રહ્યા છે. આ વૉરને કારણે સમગ્ર મિડલઈસ્ટમાં અફરાતફરીનો માહોલ છે, હોર્મુઝની ખાડીમાંથી ક્રુડ લઈ જતાં ટેન્કર્સની અવર-જવર રોકાઈ ગઈ છે તેમજ નેચરલ ગેસનો સપ્લાય પણ ઠપ્પ થઈ ગયો છે. એરપોર્ટ્સ પણ બંધ હોવાથી હજારો ફ્લાઈટ્સ પણ કેન્સલ થઈ છે.
આ શનિવારે સવારે જ અમિરાત્સ એરલાઈન્સે દુબઈથી આવતી-જતી તમામ ફ્લાઈટ્સ કેન્સલ કરાઈ હોવાની જાહેરાત કરી હતી અને પેસેન્જર્સને એરપોર્ટ ના આવવા માટે પણ સૂચના અપાઈ હતી. એર ડિફેન્સ સિસ્ટમે ઈરાનીયન ડ્રોન્સ અને મિસાઈલને ઈન્ટરસેપ્ટ કરતાં દુબઈનું એરપોર્ટ બંધ કરવાનો ર્નિણય લેવાયો હતો. જાેકે, બપોર સુધીમાં ફ્લાઈટ્સ શરૂ થઈ ગઈ હોવાનું જણાવાયું હતું. તેવી જ રીતે કતાર એરવેઝની ફ્લાઈટ્સ પણ હજુ પૂર્વવત નથી થઈ શકી.
ઈઝરાયેલી મિલિટરીએ શનિવારના રોજ આપેલી માહિતી અનુસાર તહેરાન પરના હુમલા વધારવામાં આવ્યા છે અને એરપોર્ટની આસપાસના કેટલાક ટાર્ગેટ્સ પર પણ બોંબમારો કરવામાં આવ્યો હતો. શનિવારે વહેલી સવારે થયેલા આ હુમલામાં ઈરાનીયન ગવર્મેન્ટના ઈન્ફ્રાસ્ટ્રક્ચરને ટાર્ગેટ કરવામાં આવ્યું હતું, આ બોંબમારામાં કેટલાક વિમાનો પણ નષ્ટ થયા હોવાની વાત સામે આવી છે.
જાેકે, એરપોર્ટને જ ટાર્ગેટ કરાયું હતું કે કેમ તે અંગે ઈઝાયેલી મિલિટરીએ કોઈ ચોખવટ નથી કરી. શનિવારે જ ઈરાને પણ ઈઝરાયેલ સહિતના કેટલાક દેશો પર મિસાઈલો છોડી હતી, ઈઝરાયેલના જણાવ્યા અનુસાર તેની ઈન્ટરસેપ્ટિંગ સિસ્ટમે ઈરાન તરફથી આવેલી મિસાઈલ્સ અને ડ્રોનને હવામાં જ તોડી પાડ્યા હતા. વોશિંગ્ટન પોસ્ટના એક રિપોર્ટ પ્રમાણે રશિયા ઈરાનને મિડલઈસ્ટમાં રહેલા અમેરિકન વૉરશિપ્સ તેમજ એરક્રાફ્ટ્સના લોકેશન્સ પૂરા પાડી રહ્યું છે.
ઈરાનના પ્રેસિડેન્ટ મસુદ પઝેશ્કિઆંએ કેટલાક દેશો મધ્યસ્થી માટે પ્રયાસ કરી રહ્યા છે તેવી સોશિયલ મીડિયા પર પોસ્ટ કર્યા બાદ આ યુદ્ધ જલ્દી પૂરું થઈ શકે છે તેવી શક્યતા ઉભી થઈ હતી પરંતુ ટ્રમ્પે તેને નકારી દેતા એવું કહ્યું હતું કે ઈરાન સરેન્ડર નહીં કરે ત્યાં સુધી કોઈ વાતચીત નથી થવાની. અમેરિકા ઈરાન સામેના યુદ્ધથી શું હાંસલ કરવા માગે છે તે અંગે ટ્રમ્પ વારંવાર પોતાના સ્ટેટમેન્ટ બદલી રહ્યા છે. આ યુદ્ધને કારણે ગ્લોબલ ઈકોનોમી ખરાબ રીતે પ્રભાવિત થવાના અણસાર દેખાતા દુનિયાભરના સ્ટોક માર્કેટ્સમાં પણ જાેરદાર વેચવાલી જાેવા મળી રહી છે.
તો બીજી તરફ, હવે આ જંગમાં પાકિસ્તાનની એન્ટ્રી થાય તેવી પણ શક્યતા છે. સાઉદીના ડિફેન્સ મિનિસ્ટર પ્રિસન્સ ખાલિદ બિન સલમાને પાકિસ્તાની આર્મી ચીફ સાથે શનિવારે મુલાકાત કરી હતી જેમાં ઈરાન દ્વારા કરાઈ રહેલા હુમલા અંગે પણ ચર્ચા થઈ હતી.
પાકિસ્તાન અને સાઉદીએ ગયા વર્ષે જ સંરક્ષણ કરાર કર્યા હતા જેમાં એક દેશ પરનો હુમલો બીજા દેશ પરનો હુમલો ગણાશે તેવી સમજૂતી પણ કરાઈ હતી. પાકિસ્તાન ઈરાન સાથે ૫૬૫ માઈલ લાંબી બોર્ડર ધરાવે છે.
