Last Updated on by Sampurna Samachar
સોનું પ્રતિ ૧૦ ગ્રામ ૮૨,૯૦૦ ની નવી વિક્રમી સપાટીએ પહોંચ્યું
(સંપૂર્ણ સમાચાર સેવા)
ફરી એકવાર સોનાના ભાવમાં મોટો ઉછાળો જોવા મળ્યો છે. આંતરરાષ્ટ્રીય બજારમાં સોનાના ભાવ ત્રણ મહિનાની ટોચ પર પહોંચી ગયા છે, જેના કારણે ભારતીય બજારમાં પણ સોનાની કિંમત અત્યાર સુધીની સૌથી ઊંચી સપાટીએ પહોંચી ગઈ છે. રાષ્ટ્રીય રાજધાનીમાં સોનું પ્રતિ ૧૦ ગ્રામ ૮૨,૯૦૦ ની નવી વિક્રમી સપાટીએ પહોંચ્યું છે.
મલ્ટી કોમોડિટી એક્સચેન્જ પર ૫ ફેબ્રુઆરીની એક્સપાયરી માટે સોનાની ફ્યુચર્સ કિંમત ૦.૪૧ ટકાના વધારા સાથે ૭૯,૯૪૯ પ્રતિ ૧૦ ગ્રામ પર પહોંચી ગઈ છે. સોનાના ભાવમાં આ વધારા માટે ઘણા પરિબળો જવાબદાર છે, જેમાં મુખ્યત્વે અમેરિકી રાષ્ટ્રપતિ ડોનાલ્ડ ટ્રમ્પના કાર્યકાળ દરમિયાન નીતિની અનિશ્ચિતતા ટ્રમ્પની નીતિઓને લઈને બજારમાં ચિંતાનું વાતાવરણ છે, જેના કારણે રોકાણકારો સોનામાં રોકાણ કરવાનું પસંદ કરી રહ્યા છે.
બીજો બજારમાં સોનાની માંગમાં વધારો થયો છે. તેમજ ડોલર સામે રૂપિયાનું મૂલ્ય ઘટ્યું છે, જેના કારણે સોનાની આયાત મોંઘી થઈ છે. તેમજ વૈશ્વિક બજારમાં પણ સોનાના ભાવમાં તેજી જોવા મળી રહી છે. આંતરરાષ્ટ્રીય સોનાના ભાવ ત્રણ મહિનાના સર્વોચ્ચ સ્તરે પહોંચી ગયા હતા અને સતત ચોથા સપ્તાહમાં તે વધી રહ્યા છે. ત્યારે વેપારીઓ અને રોકાણકારોની નજર હવે ફેડરલ રિઝર્વની બેઠક પર છે, જે ૨૮-૨૯ જાન્યુઆરીએ યોજાનારી છે.
સામાન્ય રીતે, ઊંચા વ્યાજ દરો સોનાના ભાવને અસર કરે છે, કારણ કે તેઓ વ્યાજ ધરાવતી સંપત્તિમાં રોકાણ કરવા અથવા બેંકમાં રોકડ રાખવાને બદલે સોનું રાખવાની તક ખર્ચમાં વધારો કરે છે. જો વ્યાજ દરો ઊંચા હોય તો યુએસ ડૉલરનું મૂલ્ય સામાન્ય રીતે વધે છે, અને સોનાની કિંમત ડૉલરમાં હોવાથી, તેની અસર સોનાની કિંમતમાં ઘટાડો થાય છે. આમ, વિવિધ વૈશ્વિક અને સ્થાનિક પરિબળોના કારણે સોનાના ભાવમાં નોંધપાત્ર વધારો થયો છે.
