Last Updated on by Sampurna Samachar
ભારતની ટીમે ૨૦ જીત સાથે કાંગારૂ ટીમને પાછળ છોડી દીધી
ટીમ ઈન્ડિયાએ ધર્મશાળામાં રચ્યો ઇતિહાસ
(સંપૂર્ણ સમાચાર સેવા)
હાલમાં ભારત અને દક્ષિણ આફ્રિકા વચ્ચે T20 શ્રેણી જોરશોરથી ચાલી રહી છે. પાંચ મેચની T20 શ્રેણીનો ત્રીજો મુકાબલો ધર્મશાલામાં રમાયો હતો, જેમાં ટીમ ઈન્ડિયાએ ૭ વિકેટથી જીત મેળવી હતી. શ્રેણી ૧-૧ થી બરાબર રહી હતી, પરંતુ ધર્મશાલામાં જીત સાથે, ભારતે ૨-૧ ની લીડ મેળવી હતી. આ જીતથી ભારત માત્ર શ્રેણીમાં આગળ નહોતું રહ્યું, પરંતુ ટીમ ઈન્ડિયા T20 આંતરરાષ્ટ્રીય મેચોની ખાસ યાદીમાં નંબર ૧ પર પણ પહોંચી ગઈ છે.
ટીમ ઇન્ડિયાનો T20 આંતરરાષ્ટ્રીય રેકોર્ડ સારો રહ્યો
ટીમ ઈન્ડિયાએ T20 ફોર્મેટમાં દક્ષિણ આફ્રિકા સામે ૩૪ મેચમાંથી ૨૦ જીતી છે, ૧૩ મેચ હારી છે. એક મેચ ડ્રો રહી હતી. ઓસ્ટ્રેલિયા આ યાદીમાં બીજા ક્રમે છે, જેણે ૧૯ જીત મેળવી છે.
T20 આંતરરાષ્ટ્રીય મેચોમાં દક્ષિણ આફ્રિકા સામે સૌથી વધુ જીત
ભારત – ૨૦ જીત
ઓસ્ટ્રેલિયા – ૧૯ જીત
પાકિસ્તાન – ૧૪ જીત
વેસ્ટ ઇન્ડીઝ – ૧૪ જીત
ઇંગ્લેન્ડ – ૧૩ જીત
ધર્મશાલા T20 અંગે, ભારતે પોતાની પાછલી હારમાંથી શીખીને શરૂઆતથી જ મેચ પર કબજો જમાવ્યો. પહેલા તેમણે શાનદાર બોલિંગ કરી, અને પછી પોતાની બેટિંગ કૌશલ્યનું પ્રદર્શન કરીને મેચ જીતી લીધી. ભારતે દક્ષિણ આફ્રિકાને ૨૦ ઓવરમાં ૧૧૭ રન સુધી મર્યાદિત રાખ્યું. આફ્રિકન બેટ્સમેન તેમની સચોટ લાઇન અને લેન્થ બોલિંગ સામે નિષ્ફળ ગયા.
જો આપણે ઇતિહાસ પર નજર કરીએ તો, ટીમ ઇન્ડિયાનો T20 આંતરરાષ્ટ્રીય રેકોર્ડ સારો રહ્યો છે. ભારતે અત્યાર સુધીમાં કુલ ૨૬૨ T20 મેચ રમી છે, જેમાંથી ૧૮૦ જીત્યા છે અને ૭૩ હાર્યા છે. આ ફોર્મેટમાં સૌથી વધુ જીત મેળવવામાં ભારત નંબર ૧ સ્થાન ધરાવે છે. પાકિસ્તાન ૨૮૭ મેચમાંથી ૧૬૬ જીત સાથે બીજા ક્રમે છે.
