Last Updated on by Sampurna Samachar
PM મોદીની ફેબ્રુઆરીમાં અમેરિકા મુલાકાત દરમિયાન થઇ વાત
ભારત – રશિયા સબંધો વિશે હમણાં ટ્રમ્પે આપ્યુ હતુ નિવેદન
(સંપૂર્ણ સમાચાર સેવા)
અમેરિકાના રાષ્ટ્રપતિ ડોનાલ્ડ ટ્રમ્પે ભારત પર ૨૫ ટકા ટેરિફ લગાવવાની જાહેરાત કરી છે. આ પછી, બંને દેશો વચ્ચેના વેપાર અને વ્યૂહાત્મક સંબંધોમાં સંઘર્ષ જોવા મળ્યો છે. ટ્રમ્પે કહ્યું છે કે ભારતે અત્યાર સુધી અમેરિકા સાથે ઓછો વેપાર કર્યો છે. તેમણે આ માટે ભારતની ઊંચી આયાત ડ્યુટીને જવાબદાર ઠેરવી છે. આ દરમિયાન, ભારતે અમેરિકા પાસેથી F -૩૫ ફાઇટર જેટ ખરીદવા સંબંધિત સોદો મોકૂફ રાખ્યો છે.
ભારતે અમેરિકાને જવાબ આપીને કહ્યું છે કે તેને હવે F -૩૫ સ્ટીલ્થ ફાઇટર જેટ ખરીદવામાં રસ નથી. આ વાતનો ખુલાસો કર્યો છે. તમને જણાવી દઈએ કે ટ્રમ્પ દ્વારા આ ઓફર ફેબ્રુઆરીમાં વડા પ્રધાન નરેન્દ્ર મોદીની અમેરિકા મુલાકાત દરમિયાન કરવામાં આવી હતી.
ભારત રશિયાનો સૌથી મોટો ઉર્જા ગ્રાહક
સંરક્ષણ સોદાઓમાં ભારતની પ્રાથમિકતા હવે સ્વદેશી ડિઝાઇન અને ઉત્પાદન પર કેન્દ્રિત છે. મોદી સરકાર હવે એક એવા સંરક્ષણ મોડેલની શોધમાં છે જે મેક ઇન ઇન્ડિયા હેઠળ સંયુક્ત ઉત્પાદન અને ટેકનોલોજી ટ્રાન્સફર પર ભાર મૂકે.
મળતા અહેવાલ મુજબ, ભારત સરકાર ટ્રમ્પની આશ્ચર્યજનક જાહેરાત પર તાત્કાલિક કોઈ બદલો લેવાની કાર્યવાહી કરશે નહીં. તેના બદલે, વ્હાઇટ હાઉસને શાંત કરવા માટે વૈકલ્પિક પગલાં લેવાનું વિચારી રહ્યું છે. ભારત આગામી ત્રણથી ચાર વર્ષમાં ભારત-અમેરિકા વેપાર વોર ઘટાડવા માટે યુએસ પાસેથી કુદરતી ગેસની આયાત, સંદેશાવ્યવહારના સાધનો અને સોનાની ખરીદી વધારી શકે છે.
અગાઉ, ડોનાલ્ડ ટ્રમ્પે ભારત-રશિયા સંબંધો વિશે કહ્યું હતું કે, મને ફર્ક નથી પડતો કે ભારત રશિયા સાથે શું કરે છે, તે તેમની મરેલી અર્થવ્યવસ્થાઓ પોતાની સાથે લઈ જવા દો, મને કોઈ પરવાહ નથી. તેમણે એમ પણ કહ્યું કે ભારત હંમેશા રશિયા પાસેથી તેની લશ્કરી ખરીદીનો મોટો હિસ્સો સંભાળતું રહ્યું છે. તે રશિયાનો સૌથી મોટો ઉર્જા ગ્રાહક પણ છે. સરકારી સૂત્રોના જણાવ્યા અનુસાર, ભારત હાલમાં વેપાર વાટાઘાટોને ટ્રેક પર રાખવાને પ્રાથમિકતા આપી રહ્યું છે. જોકે, સંરક્ષણ ખરીદીને હાલ પૂરતું ધ્યાનમાં લેવામાં આવી નથી.
