Last Updated on by Sampurna Samachar
લગ્ન થતા-થતા રહી ગયા
ઘટનાનો વીડિયો વાયરલ થયો
(સંપૂર્ણ સમાચાર સેવા)
તમે ઘણીવાર એવા કિસ્સાઓ સાંભળો છો કે વરરાજાએ દહેજની માંગણી કરી હોવાથી લગ્ન વિના જ વરઘોડાને પાછા મોકલી દેવામાં આવ્યા હતા.પરંતુ એક વિચિત્ર કિસ્સો પ્રકાશમાં આવ્યો છે. હરિયાણા (HARIYANA) માં લહેંગા અને આર્ટિફિશિયલ જવેલરીના કારણે લગ્ન થતા-થતા રહી ગયા હતા.
કન્યા પક્ષનો આરોપ છે કે યુવકનો પરિવાર જૂનો અને દુર્ગંધવાળો લહેંગો લાવ્યો હતો. બંને પક્ષો વચ્ચે ઉગ્ર બોલાચાલી થઇ હતી, ત્યારબાદ પોલીસે ઘટનાસ્થળે પહોંચીને બંને પક્ષોને સમજાવ્યા હતા પરંતુ યુવતીના પરિવારજનો રાજી ન થયા અને જાનૈયાઓ ખાલી હાથે અમૃતસર પરત ફર્યા હતા.
લગ્નની જાન ખાલી હાથે પાછી ફરી
એક એવો કિસ્સો પ્રકાશમાં આવ્યો છે જ્યાં કન્યાના પરિવારે તેની વિચિત્ર માંગણીઓ પૂરી ન થતાં લગ્નનો વરઘોડો પાછો મોકલી દીધો હતો. જ્યાં પાણીપત ગયેલી એક લગ્નની જાન ખાલી હાથે પાછી ફરી છે. દુલ્હન પક્ષને વરરાજાના પરિવાર દ્વારા લાવવામાં આવેલ લહેંગો પસંદ ન આવ્યો અને દુલ્હન પરિવાર પણ ઘરેણાં અને માળા ન લાવવાથી નારાજ થઈ ગયો. બંને પક્ષો વચ્ચેનો વિવાદ વધુ વકરતાં, ડાયલ ૧૧૨ દ્વારા માહિતી મળતાં પોલીસ પણ ઘટનાસ્થળે પહોંચી ગઈ. પોલીસે ઘટનાસ્થળે પહોંચીને પરિસ્થિતિ શાંત કરી.
આ ઘટનાનો વીડિયો પણ વાયરલ થઈ રહ્યો છે. આ લગ્ન પાનીપતના મોડેલ ટાઉનના ભાટિયા કોલોનીમાં સ્થિત એક મેરેજ હોલમાં થઈ રહ્યા હતા. જ્યારે કન્યા પક્ષે લહેંગા વિશે પ્રશ્નો ઉઠાવ્યા. ત્યારે વરરાજા પક્ષ ચોંકી ગયો.
આ ઉપરાંત, કન્યા પક્ષના લોકો ઘરેણાં અને માળા ન લાવવા બદલ ગુસ્સે થયા. દુલ્હનની માતાએ આરોપ લગાવ્યો કે લહેંગા જૂનો હતો અને તેમાંથી દુર્ગંધ આવતી હતી. તે જ સમયે, વરરાજા પણ ગુસ્સે થઈ ગયો અને તેણે લહેંગાને બેગમાં પેક કરવાનું શરૂ કર્યું. વિવાદ વધી જતાં પોલીસને સ્થળ પર બોલાવવામાં આવી હતી અને તેમણે બંને પક્ષોને શાંત કરવાનો પ્રયાસ કર્યો હતો પરંતુ લહેંગા અને ઘરેણાંના મુદ્દાને કારણે, છોકરીના પરિવારે લગ્ન કરવાનો ઇનકાર કર્યો હતો. છોકરાના પક્ષના લોકોએ કહ્યું કે અહીં માળા બદલવાની કોઈ પરંપરા નથી, તેથી તેઓ માળા લાવ્યા નથી. છોકરાના પક્ષે એવો પણ આરોપ લગાવ્યો કે અમારી સાથે મારપીટ કરવામાં આવી હતી અને છોકરીના પક્ષે તલવારો કાઢીને અમારા પર હુમલો કરવાનો પ્રયાસ કર્યો હતો.
