Last Updated on by Sampurna Samachar
મૂંગા પ્રાણી પર આવી ક્રૂરતા કરનારાઓને સજા થવી જોઇએ
ઘટના કેમેરામાં કેદ થઇ
(સંપૂર્ણ સમાચાર સેવા)
મુરાદાબાદથી એક હૃદયદ્રાવક સમાચાર સામે આવ્યા છે, જે સાંભળીને તમારી રુવાડા ઊભા થઈ જશે. જેમાં એક મહિલા અને તેના કેટલાક મિત્રોએ બિલાડીને આગ લગાવી દીધી હતી. તેનો વાંક એ હતો કે, બિલાડીએ આ લોકોનો રસ્તો ઓળંગવાની હિંમત કરી હતી. પોલીસે આ મામલે ફરિયાદ નોંધી છે. સાથે જ એક પ્રશ્ન પણ ઉઠાવવામાં આવ્યો છે કે, મૂંગા પ્રાણી પર આવી ક્રૂરતા કરનારાઓને શું સજા આપવી જોઈએ?
આપણે ઘણીવાર સાંભળ્યું છે કે, જો તમે કોઈ કામ માટે બહાર જઈ રહ્યા છો અને કોઈ બિલાડી તમારો રસ્તા વચ્ચેથી જાય છે, તો તે અશુભ હોય છે. પરંતુ શું તમે ક્યારેય વિચાર્યું છે કે, જો તે મૂંગું પ્રાણી કોઈની સામેથી પસાર થાય તો તે તેને કેટલી હદ સુધી નુકસાન પહોંચાડી શકે છે ? તે પણ એક જીવ છે, પણ ફક્ત એટલા માટે કે તે કોઈના માર્ગમાં આવે છે, તેને મારી નાખવી યોગ્ય છે. ઉત્તર પ્રદેશના મુરાદાબાદમાં, કેટલાક લોકોએ ક્રૂરતાની હદ વટાવી દીધી અને એક બિલાડીને સળગાવી દીધી હતી.
બિલાડીને માર મારી આગ લગાવી
બિલાડી જે લોકોનો રસ્તો ઓળંગી ગઈ તે મોટરસાઇકલ પર સવાર હતા અને તેમાંથી એક મહિલા પણ હતી. પછી બિલાડી તેમનો રસ્તા વચ્ચેથી નીકળી અને રસ્તો પાર કરી ઈ હતી. આ દરમિયાન, તે લોકો ગુસ્સે થઈ ગયા અને પહેલા તેમણે બિલાડીને માર માર્યો અને પછી તેને આગ લગાવી દીધી હતી. તેનો વીડિયો સોશિયલ મીડિયા પર છે, પરંતુ તેને પોસ્ટ કરવો યોગ્ય નથી કારણ કે તે લોકોની ક્રૂરતા જોઈને કોઈપણ આઘાત પામી શકે છે.
વાઇલ્ડલાઇફ ક્રાઇમ કંટ્રોલ બ્યુરોને વીડિયો સાથેનો એક ઇમેઇલ મળ્યો હતો, જેના પછી કાર્યવાહી કરવામાં આવી હતી. આરોપીઓ પર વન્યજીવન સંરક્ષણ અધિનિયમ, ૧૯૭૨ હેઠળ આરોપ મૂકવામાં આવ્યો છે. એફઆઈઆર મુજબ, આરોપીઓ કેમેરા સામે પણ આ કૃત્ય કરતા જોવા મળ્યા હતા. અધિકારીઓએ તેની મોટરસાઇકલ શોધી કાઢી છે અને વધુ તપાસ ચાલુ છે.
