Last Updated on by Sampurna Samachar
ઓડિશામાં અતિવૃષ્ટિને લઈને ઓરેન્જ એલર્ટ પણ જાહેર
પર્વતીય રાજ્યોમાં હિમવર્ષા થવાની સંભાવના
(સંપૂર્ણ સમાચાર સેવા)
ગુજરાત સહિત ઉત્તર-પશ્ચિમ ભારતના ઘણા રાજ્યોમાં હવામાનની પેટર્ન બદલાવા લાગી હોય તેમ જણાઇ રહ્યુ છે. પશ્ચિમ હિમાલયના રાજ્યોમાં ઘણી જગ્યાએ હિમવર્ષા થઈ છે તો આસામ અને ઓડિશા સહિત ઉત્તર-પૂર્વ ભારતના ઘણા રાજ્યોમાં વાવાઝોડા સાથે ઘણી જગ્યાએ વરસાદ થયો છે. ઘણી જગ્યાએ કરા પણ પડ્યા છે.
હવામાન વિભાગે પૂર્વ ભારતમાં ભારે પવન સાથે વરસાદ અને કરા પડવાની સંભાવના વ્યક્ત કરી છે. ભારતીય હવામાન વિભાગ અનુસાર, નવા વેસ્ટર્ન ડિસ્ટર્બન્સના સક્રિય થવાને કારણે ઉત્તર ભારતનું હવામાન પણ પ્રભાવિત થશે. તેમજ હિમાચલ પ્રદેશ, લદ્દાખ, જમ્મુ-કાશ્મીર અને ઉત્તરાખંડના વિવિધ ભાગોમાં ૨૫ ફેબ્રુઆરીથી ૨૮ ફેબ્રુઆરી વચ્ચે વરસાદ અને હિમવર્ષાની સંભાવના વ્યક્ત કરી છે.
પંજાબ, ચંદીગઢ અને હરિયાણાના જુદા જુદા ભાગોમાં ૨૬ થી ૨૮ ફેબ્રુઆરી વચ્ચે હળવોથી મધ્યમ વરસાદ પડી શકે છે. પશ્ચિમ યુપી, પૂર્વ યુપી અને રાજસ્થાનમાં ૨૭ અને ૨૮ ફેબ્રુઆરીએ હળવાથી મધ્યમ વરસાદની શક્યતા છે.
IMD અનુસાર, પશ્ચિમ બંગાળના ગંગા કિનારાના વિસ્તારો સિવાય ઓડિશામાં ઘણી જગ્યાએ ૪૦-૬૦ કિમી પ્રતિ કલાકની ઝડપે ભારે પવન ફૂંકાવા સાથે વરસાદ પડી શકે છે. અતિવૃષ્ટિને લઈને ઓરેન્જ એલર્ટ પણ જાહેર કર્યું છે. જ્યારે, ઝારખંડ, સિક્કિમ, છત્તીસગઢ, આસામ, બિહાર સહિત ૭ ઉત્તર-પૂર્વીય રાજ્યોમાં ભારે પવન સાથે હળવોથી મધ્યમ વરસાદ પડી શકે છે. ૨૫ અને ૨૬ ફેબ્રુઆરીએ આંદામાન અને નિકોબાર ટાપુઓના ભાગોમાં વરસાદની સંભાવના છે.
છેલ્લા ૨૪ કલાકમાં ઉત્તર ભારતના તાપમાનમાં પણ ૧-૪ ડિગ્રીનો ઘટાડો નોંધ્યો છે. જ્યારે, દેશના અન્ય ભાગોમાં તાપમાનમાં વધુ ફેરફાર નોંધવામાં આવ્યો નથી. મહારાષ્ટ્ર, તેલંગાણા, બિહાર, યુપી, ઝારખંડ સહિત પૂર્વ મધ્ય ભારતમાં સરેરાશ તાપમાન ૧-૩ ડિગ્રી વધુ નોંધાયું છે. જમ્મુ-કાશ્મીરના ડોડામાં ગંડોહ ભાલેસા પર્વત પર હિમવર્ષા થઈ છે. શ્રીનગરના ઐતિહાસિક દાલ તળાવમાં પ્રવાસીઓની સંખ્યા પહેલા કરતા ઘણી વધારે છે. હાલ પર્વતીય રાજ્યોમાં હિમવર્ષા થવાની સંભાવના છે.
વેસ્ટર્ન ડિસ્ટર્બન્સના કારણે જમ્મુ-કાશ્મીર, હિમાચલ પ્રદેશ અને ઉત્તરાખંડમાં ૨૪મી ફેબ્રુઆરી પછી નવું વેસ્ટર્ન ડિસ્ટર્બન્સ સક્રિય થશે. જેના કારણે ઉત્તર-પશ્ચિમ ભારતમાં વધુ હિમવર્ષા થઈ શકે છે. આગામી દિવસોમાં દેશના ઘણા રાજ્યોમાં ૨-૩ વરસાદ થશે.
વરસાદની સંભાવના છે. હિમાલયના રાજ્યોમાં ૨૭ ફેબ્રુઆરીથી ૫ માર્ચ સુધી ભારે વરસાદની સંભાવના છે. વરસાદ અને પવનના કારણે મેદાની વિસ્તારોમાં ફરી એકવાર તાપમાન ઘટી શકે છે. જોકે, આ સમયગાળા દરમિયાન દેશના અન્ય ભાગોમાં ઓછો વરસાદ થવાની સંભાવના છે.
એક ચક્રવાતી પરિભ્રમણ ઉત્તર બંગાળની ખાડી પર વિરુદ્ધ દિશામાં સ્થિત છે, જે ૨૨-૨૭ ફેબ્રુઆરીના રોજ ગંગાના પશ્ચિમ બંગાળ, ઝારખંડ અને ઓડિશા પર ચક્રવાતી તોફાન સાથે ભારે વરસાદનું કારણ બનશે. આ સમયગાળા દરમિયાન ભારે પવનની ઝડપ ૩૦-૪૦ કિમી પ્રતિ કલાકની રહેશે.
ઉપ-હિમાલયન પશ્ચિમ બંગાળ, સિક્કિમમાં ફેબ્રુઆરીએ વાદળો રહેશે. આ સાથે ગાજવીજ સાથે કરા પણ પડશે. વેસ્ટર્ન ડિસ્ટર્બન્સ સાયક્લોનિક સર્ક્યુલેશનના રૂપમાં ઉત્તર પાકિસ્તાનમાં સક્રિય છે, જેના કારણે ૨૨ ફેબ્રુઆરી દરમિયાન જમ્મુ અને કાશ્મીર, લદ્દાખ, હિમાચલ પ્રદેશ, ઉત્તરાખંડમાં ગાજવીજ અને વીજળી સાથે હિમવર્ષા અને વરસાદની ચેતવણી જાહેર કરવામાં આવી છે.
યુપીના ઘણા જિલ્લાઓમાં હળવો વરસાદ અને તેજ પવન ફૂંકાવાની શક્યતા છે. જેમાં નોઈડા, ગાઝિયાબાદ, કાનપુર, બરેલી, શાહજહાંપુર, બદાઉન, રામપુર અને લખનૌનો સમાવેશ થાય છે. બિહારમાં આગામી ૬૦ કલાકમાં હવામાન બદલાશે. ૨૩ ફેબ્રુઆરીથી ૧૬ જિલ્લામાં વરસાદ પડી શકે છે. તે જ સમયે, ઝારખંડમાં કેટલીક જગ્યાએ વરસાદ અને કરા પડવાની ચેતવણી જારી કરવામાં આવી છે. વિભાગે આગામી ૨૪ કલાકમાં વરસાદનું એલર્ટ જાહેર કર્યું છે.
વેસ્ટર્ન ડિસ્ટર્બન્સની સાથે સાથે દેશમાં ચક્રવાત એલર્ટ પણ જાહેર કરવામાં આવ્યું છે, જેના કારણે ઘણા રાજ્યોમાં હવામાને પલટો લીધો અને ભારે વરસાદ પડી રહ્યો છે. દિલ્હી NCR માં વરસાદ માટે યલો એલર્ટ જાહેર કરાયું છે. વાદળો ગર્જના કરી રહ્યા છે અને ઘણા વિસ્તારોમાં કરા પડી રહ્યા છે. પહાડોની સાથે મેદાની વિસ્તારોમાં હવામાન બદલાયું છે, જેના કારણે ૨૬ ફેબ્રુઆરી સુધી હિમવર્ષા અને વરસાદની સંભાવના છે. વરસાદ બાદ ફરી ઠંડીમાં વધારો થયો છે અને આગામી દિવસોમાં તે વધવાની શક્યતા છે. આ દરમિયાન ગાજવીજ અને વીજળીના ચમકારા સાથે ભારે પવન ફૂંકાશે. ભારતીય હવામાન વિભાગએ આ અંગે ચેતવણી જાહેર કરી છે.
