Last Updated on by Sampurna Samachar
ભારતનો તિલક વર્મા બીજા સ્થાને
(સંપૂર્ણ સમાચાર સેવા)
ICC એ તાજેતરમાં જાહેર કરેલી રેન્કિંગમાં ભારતના જાદૂઈ સ્પીનર વરુણ ચક્રવર્તીએ T20 I ફોર્મેટમાં ટોપ-૧૦માં પહોંચી ગયો છે. જયારે ઇંગ્લેન્ડનો સ્ટાર લેગ સ્પીનર આદિલ રાશિદે ટોચના સ્થાન પર કબજો મેળવ્યો છે. જયારે ભારતનો તિલક વર્મા બીજા સ્થાને છે.
T20 I બોલરોની રેન્કિંગની ટોપ-૧૦ની યાદીમાં મોટો ઉલટફેર જોવા મળ્યો છે. જેમાં ભારતીય સ્પીનર વરુણ ચક્રવર્તી રાજકોટમાં રમાયેલી ઇંગ્લેન્ડ સામેની ત્રીજી T20 I મેચમાં પાંચ વિકેટ ઝડપીને ૨૫ સ્થાનની છલાંગ લગાવીને પાંચમાં સ્થાને પહોંચી ગયો હતો. આ યાદીમાં અર્શદીપ સિંહ નવમાં સ્થાને પહોંચી ગયો છે. જયારે રવી બિશ્નોઈને પાંચ સ્થાનનું નુકસાન થયું હતું અને તે હવે ૧૧માં સ્થાને પહોંચી ટોપ-૧૦માંથી બહાર થઇ ગયો છે.
આ સિવાય ભારતીય બોલરોમાં જસપ્રીત બુમરાહએ ઓસ્ટ્રેલિયા સામેની બોર્ડર-ગાવસ્કર ટ્રોફીમાં શાનદાર પ્રદર્શન કર્યા બાદ ટેસ્ટની બોલર રેન્કિંગમાં ટોચના સ્થાને પહોંચી ગયો છે. હાલમાં જ તેને વર્ષ ૨૦૨૪માં ICC મેન્સ ક્રિકેટર ઓફ ઘ યર’ એવોર્ડ માટે સર ગારફિલ્ડ સોબર્સ પુરસ્કારથી પણ સન્માનિત કરવામાં આવ્યો હતો.
