Last Updated on by Sampurna Samachar
એક મહિનામાં ચાર વખત દુબઇમાં પહોંચેલી
એરપોર્ટ પર ૧૭ કિલો સોના સાથે પકડાઇ હતી અભિનેત્રી
(સંપૂર્ણ સમાચાર સેવા)
તાજેતરમાં અભિનેત્રી રાન્યા રાવની દાણચોરી મામલે ધરપકડ કરવામાં આવી હતી. જ્યાં પોલીસની પૂછપરછમાં તેણીએ કેટલાક કબુલાત કરી હોવાનુ સામે આવ્યુ છે. જેમાં મેં તો બીજા દેશોમાંથી પણ સોનાની દાણચોરી કરી છે તેમ અભિનેત્રી રાન્યા રાવે પોલીસની પૂછપરછમાં કબૂલ્યું હોવાનું જાણવા મળે છે. કન્નડ ફિલ્મની અભિનેત્રી રાન્યા રાવની તાજેતરમાં એરપોર્ટ પર ૧૭ કિલો સોના સાથે ધરપકડ કરવામાં આવી હતી. હવે રાન્યાએ પૂછપરછ દરમિયાન આ વાત સ્વીકારી લીધી છે.
અહેવાલો મુજબ અભિનેત્રી રાન્યાએ ખુલાસો કર્યો કે દુબઈ સહિત અન્ય દેશોમાંથી પણ સોનાની દાણચોરી કરવામાં આવી છે. રાન્યા રાવની તાજેતરમાં એરપોર્ટ પરથી ધરપકડ કરવામાં આવી હતી. રાન્યા દુબઈથી પરત ફરી રહી હતી અને તેની પાસેથી ૧૪ કિલોગ્રામથી વધુ સોનું મળી આવ્યું હતું. આ પછી તેની ધરપકડ કરવામાં આવી. હવે પોલીસ પૂછપરછ દરમિયાન રાન્યા રાવે ઘણા મહત્વપૂર્ણ ખુલાસા કર્યા છે. જેમાં તેણે જણાવ્યું હતું કે માત્ર દુબઈમાં જ નહીં પરંતુ અમેરિકા અને યુરોપમાં પણ તેણે આવી જ મુલાકાતો કરી છે.
રાન્યાના રહસ્ય ખૂલતાં જ ગયા
કન્નડ અભિનેત્રી રાન્યા રાવે છેલ્લા ૧ મહિનામાં ૪ વખત દુબઈની મુલાકાત લીધી હતી. આ પછી જવાબદાર અધિકારીઓને તેના પર શંકા ગઈ અને આ અઠવાડિયે તે દુબઈથી પરત ફરતાંની સાથે જ તેની તલાશી લેવામાં આવતાં તેની પાસેથી ૧૪ કિલોથી વધુ સોનું મળી આવ્યું હતું. ત્યારબાદ રાન્યાને તાત્કાલિક કસ્ટડીમાં લેવામાં આવી અને પૂછપરછ કરવામાં આવી હતી.
પોલીસ દ્વારા કરવામાં આવેલી વધુ પૂછપરછમાં રાન્યાએ જણાવ્યું હતું કે તેણે માત્ર ભારતમાં જ નહીં પરંતુ અમેરિકા અને યુરોપ સહિત અન્ય દેશોમાં પણ આવું કામ કર્યું છે. હવે રાન્યા (RANYA) નું રહસ્ય ખૂલી ગયું છે અને તે પોલીસ કસ્ટડીમાં છે. ગઈકાલે રાન્યાની પૂછપરછ કરવામાં આવી હતી જેમાં ઘણી મહત્વપૂર્ણ બાબતો પ્રકાશમાં આવી હતી.રાન્યા રાવ કન્નડ ફિલ્મોની અભિનેત્રી છે. તેણે ૧૦ વર્ષ પહેલાં કન્નડ અભિનેતા સુદીપ સાથે ફિલ્મ ‘માનિક્ય’માં કામ કર્યું હતું.
આ ફિલ્મે રાન્યાને ઓળખ આપી હતી. આ સાથે રાન્યાએ તમિલ ફિલ્મ ‘વાઘ’માં પણ કામ કર્યું છે. તેણે ફિલ્મ પટકીમાં પણ ઘણી લોકપ્રિયતા મેળવી હતી. છેલ્લા કેટલાક વર્ષથી રાન્યા અભિનયની સાથે ફિલ્મ નિર્માણના વ્યવસાયમાં પણ સામેલ થઈ ગઈ હતી. રાન્યાના સાવકા પિતા પણ સરકારી અધિકારી છે અને કર્ણાટકમાં પોસ્ટેડ છે.
