આગામી ૩૦ સપ્ટેમ્બર દરમિયાન ભારે વરસાદની આગાહી

Last Updated on 27/09/2025 by Sampurna Samachar

ગરબામાં ખેલૈયાઓની મજા બગડશે

વોલમાર્ક લો પ્રેશર સક્રિય થતા રાજ્યમાં વરસાદની વકી

(સંપૂર્ણ સમાચાર સેવા)

હવામાન વિભાગના ડાયરેકટરના જણાવ્યા અનુસાર નવરાત્રિમાં ખેલૈયાઓના રંગમાં ભંગ પડશે. આગામી ૭ દિવસ હળવાથી મધ્યમ વરસાદની શક્યતા છે. આગામી ૨૭ થી ૩૦ સપ્ટેમ્બર દરમિયાન રાજ્યમાં ભારે વરસાદની સંભાવના છે. જેમાં બનાસકાંઠા, પાટણ અને મહેસાણા સિવાય રાજ્યમાં સાવર્ત્રિક વરસાદની આગાહી છે. આ દિવસોમાં ગાજવીજ સાથે ૩૦ થી ૪૦ કિ.મી.ની ઝડપે પવન ફૂંકાશે.

બંગાળની ખાડીમાં વોલમાર્ક લો પ્રેશર સક્રિય થતા રાજ્યમાં વરસાદની વકી છે. આ કારણે અમદાવાદમાં આજે વાદળછાયા વાતાવરણ સાથે હળવા વરસાદની શકયતા છે. આગામી દિવસોમાં ક્યાં ક્યાં આગાહી : નર્મદા, તાપી, ડાંગ, નવસારી, વલસાડ, દમણ, દાદરા નગર હવેલીમાં છૂટાછવાયા સ્થળોએ ભારે વરસાદની આગાહી કરાઈ છે.

છુટા છવાયા સ્થળોએ ભારે વરસાદની આગાહી

આગામી ૨૮ સપ્ટેમ્બરે ક્યા ક્યા આગાહી : સુરેન્દ્રનગર, રાજકોટ, બોટાદ, અમરેલી, ભાવનગર, ગીર સોમનાથ, દીવ, અમદાવાદ, ગાંધીનગર, સાબરકાંઠા, અરવલ્લી, ખેડા, આણંદ, પંચમહાલ, દાહોદ, વડોદરા, છોટાઉદેપુર, ભરૂચ, નર્મદા, સુરત, તાપી, નવસારી, ડાંગ, વલસાડ, દમણ, દાદરા નગર હવેલીમાં ભારે વરસાદ.

૨૯ સપ્ટેમ્બરે ક્યા ક્યા આગાહી : કચ્છ, મોરબી, જામનગર, દેવભૂમિ દ્વારકા, પોરબંદર, જુનાગઢ, ગીર સોમનાથ, દીવ, અમરેલી, ભાવનગર, બોટાદ, સુરેન્દ્રનગર, અમદાવાદ, આણંદ, ભરૂચ, સુરત, તાપી, નવસારી, ડાંગ, વલસાડ, દમણ, દાદરા નગર હવેલીમાં છુટાછવાયા સ્થળે ભારે વરસાદની આગાહી.

૩૦ સપ્ટેમ્બરે ક્યા ક્યા આગાહી : કચ્છ, મોરબી, દેવભૂમિ દ્વારકા, જામનગર, પોરબંદર, જુનાગઢ, રાજકોટ, ગીર સોમનાથ, દીવ, અમરેલી, ભાવનગર, સુરત, નવસારી, વલસાડ, દમણ, દાદરા નગર હવેલીમાં છુટા છવાયા સ્થળોએ ભારે વરસાદની આગાહી.