Last Updated on by Sampurna Samachar
હોંગકોંગ અને સિંગાપોરમાં કોરોનાના કેસ મળી આવ્યાના અહેવાલ
આરોગ્ય અધિકારીઓ પણ ચિંતા વ્યાપી
(સંપૂર્ણ સમાચાર સેવા)
સમગ્ર વિશ્વમાં હાહાકાર મચાવનાર કોવિડ-૧૯ એ ફરી એકવાર દસ્તર આપી છે. જ્યાં એશિયામાં હોંગકોંગ અને સિંગાપોરમાં કોરોનાના કેસ મળી આવ્યા છે. કેસોમાં વધારો એશિયામાં કોરોનાવાયરસની લહેરના ઉભરવાનો સંકેત આપે છે. આરોગ્ય અધિકારીઓ પણ આ અંગે ચિંતિત હોય તેવું લાગે છે.
હોંગકોંગ સેન્ટર ફોર હેલ્થ પ્રોટેક્શનના ચેપી રોગ શાખાના વડા આલ્બર્ટ ઓ અનુસાર, હોંગકોંગમાં વાયરસની પ્રવૃત્તિ મોટા પાયે પહોંચી ગઈ છે. તેમણે કહ્યું કે કોવિડ-૧૯ના પોઝિટિવ કેસોની ટકાવારી એક વર્ષના ઉચ્ચ સ્તરે પહોંચી ગઈ છે. ડેટા ગંભીર કેસોમાં ચિંતાજનક વધારો દર્શાવે છે, જેમાં મૃત્યુનો પણ સમાવેશ થાય છે, જે લગભગ એક વર્ષમાં તેમના ઉચ્ચતમ સ્તરે પહોંચી ગયા છે. ૩ મેના રોજ પૂરા થયેલા સપ્તાહમાં ૩૧ કેસ નોંધાયા હતા.
લગભગ ૩૦ ટકાનો વધારો જોવા મળ્યો
કોન્સર્ટના સત્તાવાર વેઇબો એકાઉન્ટ પરની એક પોસ્ટ અનુસાર, હોંગકોંગના ગાયક ઇસન ચાને કોવિડ (COVID) -૧૯ માટે સકારાત્મક પરીક્ષણ કર્યા બાદ, આ સપ્તાહના અંતે તાઇવાનના કાઓહસુંગમાં યોજાવાનો તેમનો મ્યૂજીક કોન્સર્ટ રદ કર્યો છે. સિંગાપોર પણ હાઈ એલર્ટ પર છે. આરોગ્ય મંત્રાલયે આ મહિને લગભગ એક વર્ષમાં ચેપના આંકડા અંગેનો પ્રથમ અપડેટ જાહેર કર્યો હતો, જેમાં અંદાજિત કેસ ૩ મેના રોજ પૂરા થયેલા સપ્તાહમાં ૨૮ ટકાના નોંધપાત્ર વધારા સાથે પાછલા સાત દિવસની તુલનામાં ૧૪,૨૦૦ થયા છે. હોસ્પિટલમાં દાખલ થવાની સંખ્યામાં પણ લગભગ ૩૦ ટકાનો વધારો જોવા મળ્યો.
સિંગાપોરના આરોગ્ય મંત્રાલયે જણાવ્યું હતું કે હાલમાં એવા કોઈ સંકેત નથી કે ફરતા વેરિઅન્ટ્સ વધુ ચેપી છે અથવા રોગચાળા દરમિયાન કરતાં વધુ ગંભીર કેસોનું કારણ બને છે. સામાન્ય રીતે શિયાળાની ઋતુમાં શ્વાસના વાયરસ વધુ સક્રિય હોય છે, પરંતુ આ વખતે ઉનાળાની શરૃઆતમાં કોરોનાના કેસ વધવા લાગ્યા છે. આનાથી સ્પષ્ટ થાય છે કે કોવિડ-૧૯ ઉનાળામાં પણ ફેલાઈ શકે છે અને મોટી સંખ્યામાં લોકોને અસર કરી શકે છે.
