નાણામંત્રી સીતારમણે આપ્યો જવાબ
હેલ્થ કે લાઈફ ઈન્શ્યૉરન્સ પર ઘટાડવામાં આવી શકે છે ટેક્સ
(સંપૂર્ણ સમાચાર સેવા)
GST પરિષદ જો હેલ્થ કે લાઈફ ઈન્શ્યૉરન્સ પર GST દરોમાં ઘટાડાની ભલામણ કરે છે તો પોલિસીધારક માટે વીમાનો ખર્ચ ઓછો થવાની આશા છે. નાણા મંત્રી ર્નિમલા સીતારમણે આ વાત કહી. લોકસભામાં એક લેખિત જવાબમાં તેમણે કહ્યું કે ‘ GST પરિષદે ૯ સપ્ટેમ્બરની પોતાની બેઠકમાં લાઈફ અને હેલ્થ ઈન્શ્યૉરન્સ પર GST થી સંબંધિત મુદ્દાઓ પર સંપૂર્ણપણે વિચાર કરવા માટે મંત્રીઓના એક જૂથની રચનાની ભલામણ કરી હતી. લાઈફ અને હેલ્થ ઈન્શ્યૉરન્સ પર GST દરોની સમીક્ષાનો મામલો જીઓએમની સમક્ષ પેન્ડિંગ છે. જો GST પરિષદ તરફથી GST દરમાં ઘટાડાની ભલામણ કરવામાં આવે છે તો GST ઘટાડવાથી પોલિસી ધારક માટે ઈન્શ્યૉરન્સના ખર્ચમાં ઘટાડો થવાની આશા છે.’
GST દર ઈન્શ્યૉરન્સ પ્રીમિયર પર અલગથી લાગુ થાય છે તેથી જો GST દર ઓછા થઈ જાય છે તો તેનાથી પોલિસીધારકને સીધો લાભ મળવાની આશા છે. ખાસ કરીને પ્રતિસ્પર્ધી માર્કેટમાં જ્યાં ઘણી વીમા કંપનીઓ છે. તેનાથી વીમાનો ખર્ચ એક મર્યાદા સુધી ઓછો થઈ જશે. વર્તમાનમાં લાઈફ અને હેલ્થ ઈન્શ્યૉરન્સ પોલિસીઓ માટે ચૂકવણી માટે જતાં પ્રીમિયમ પર ૧૮ ટકા GST લગાવવામાં આવે છે.
સીતારમણની અધ્યક્ષતાવાળી GST પરિષદની બેઠક ૨૧ ડિસેમ્બરે થવાની છે, જેમાં રાજ્ય સરકારોના મંત્રી પણ સામેલ હશે. આ બેઠકમાં લાઈફ અને હેલ્થ ઈન્શ્યૉરન્સ પર GST ઘટાડવા માટે મંત્રી જૂથના રિપોર્ટ પર ચર્ચા થવાની આશા છે. નાણાકીય વર્ષ ૨૦૨૩-૨૪ માં કેન્દ્ર અને રાજ્ય સરકારોએ હેલ્થ સર્વિસ અને લાઈફ ઈન્શ્યૉરન્સ પોલિસીઓથી ૧૬,૩૯૮ કરોડ રૂપિયા GST એકત્ર કરી હતી. જેમાં લાઈફ ઈન્શ્યૉરન્સથી ૮,૧૩૫ કરોડ રૂપિયા અને હેલ્થ ઈન્શ્યૉરન્સથી ૮,૨૬૩ કરોડ રૂપિયાનો જીએસટી સંગ્રહ કરવામાં આવ્યો હતો.
આ સિવાય ગત નાણાકીય વર્ષમાં લાઈફ અને હેલ્થ ઈન્શ્યૉરન્સ પર રિઈન્શ્યૉરન્સથી જીએસટી દરમાં ૨,૦૪૫ કરોડ રૂપિયા એકત્ર કરવામાં આવ્યા, જેમાં લાઈફ પર રિઈન્શ્યૉરન્સથી સંગ્રહ કરવામાં આવેલા ૫૬૧ કરોડ રૂપિયા અને હેલ્થ કેર રેવન્યુ ૧,૪૮૪ કરોડ રૂપિયા સામેલ છે.
GST પરિષદની બેઠક ૨૧ ડિસેમ્બરે જેસલમેરમાં થવાની છે. જેમાં લાઈફ અને હેલ્થ ઈન્શ્યૉરન્સ પર GST ના મુદ્દા પર વિચાર કરવાની આશા છે. બિહારના નાયબ મુખ્યમંત્રી સમ્રાટ ચૌધરીની અધ્યક્ષતામાં લાઈફ અને હેલ્થ ઈન્શ્યૉરન્સ પર રચિત મંત્રી જૂથની પહેલી બેઠક ૧૯ ઓક્ટોબરે થઈ.
મામલાથી જોડાયેલા સૂત્રોના જણાવ્યા અનુસાર મંત્રી જૂથે ટર્મ લાઈફ ઈન્શ્યૉરન્સ પોલિસીઓ અને વરિષ્ઠ નાગરિકોના હેલ્થ ઈન્શ્યૉરન્સ માટે ચૂકવણી કરનાર ઈન્શ્યૉરન્સ પ્રીમિયમને જીએસટીથી છૂટ આપવા પર મોટા પાયે સંમતિ વ્યક્ત કરી છે. આ સિવાય વરિષ્ઠ નાગરિકો સિવાય અન્ય વ્યક્તિઓ તરફથી ૫ લાખ રૂપિયા સુધીના હેલ્થ ઈન્શ્યૉરન્સ માટે ચૂકવણી કરવામાં આવેલા પ્રીમિયમ પર જીએસટીથી છૂટ આપવાનો પ્રસ્તાવ છે. જોકે, ૫ લાખ રૂપિયાથી વધુના હેલ્થ ઈન્શ્યૉરન્સ કવર વાળી પોલિસીઓ માટે ચૂકવણી કરવામાં આવેલા પ્રીમિયમ પર ૧૮ ટકા GST છૂટ રહેશે.
