Last Updated on by Sampurna Samachar
આ ભયાનક ચોંકાવનારી ભવિષ્યવાણી ભવિષ્યવક્તા પાદરી દ્વારા કરાઇ છે
(સંપૂર્ણ સમાચાર સેવા)
થોડાક મહિનાઓ પહેલા એક સ્વયંભૂ ભવિષ્યવક્તા બ્રેંડન ડેલ બિગ્સ અને ઓક્લાહોમાના પાદરીએ ડોનાલ્ડ ટ્રંપની હત્યાના પ્રયાસની ભવિષ્યવાણી કરી હતી અને આ ભવિષ્યવાણી થોડી સાચી પણ પડી, જ્યારે અમેરિકાના રાષ્ટ્રપતિ ચૂંટણી પહેલા એક સભાને સંબોધિત કરી રહ્યા હતા, ત્યારે તેમના કાન નીચેથી એક ગોળી નીકળી હતી. હવે તે જ પાદરીએ વધુ એક એવી ભવિષ્યવાણી કરી છે, જે સાંભળી તમારો જીવ અધ્ધર થઇ જશે. મળતા રિપોર્ટ અનુસાર પાદરી બિગ્સે હવે ધરતી પર પ્રલય આવવાની ચેતવણી જાહેર કરી છે.
પાદરી અને ભવિષ્યવક્તા બ્રેંડન ડેલ બિગ્સે જણાવ્યું હતું કે, ભગવાને મને ૧૦ તીવ્રતા વાળા ભૂકંપનું એક દ્રશ્ય દેખાડ્યું છે, જે આખા અમેરિકામાં હજારો લોકોનો જીવ લઈ શકે છે. શ્રી બિગ્સે દાવો કર્યો છે કે ભૂકંપ ન્યૂ મેડ્રિડ ફોલ્ટ લાઈનથી ટકરાશે, જે મિસોરી, અર્કાંસસ, ટેનેસી, કેન્ટકી અને ઈલિનોઈસ સુધી ફેલાઈ જશે. તેનાથી હજારો લોકો મૃત્યું પામશે, તમામ ઘરોનો પાયો હલી જશે અને તે એક ઝાટકામાં જમીનદોસ્ત થઈ જશે. પાદરીએ એટલે સુધી કહ્યું કે ભૂકંપ એટલો શક્તિશાળી હશે કે જ્યારે આ મિસિસિપી નદી પર આવશે તો તેની દિશા પણ બદલાઈ જશે.
આમ તો દુનિયામાં અત્યાર સુધી નોંધવામાં આવેલો સૌથી શક્તિશાળી ભૂકંપ ૨૨ મે, ૧૯૬૦ના રોજ ચિલીમાં લગભગ ૧૦૦૦ મિલી લાંબી ફોલ્ટ પર ૯.૫ની તીવ્રતાનો આવ્યો હતો. તેનાથી આવેલી સુનામીથી દક્ષિણી ચિલી, હવાઈ દ્વિપ, જાપાન, ફિલિપાઈન્સ, પૂર્વી ન્યૂઝીલેન્ડ, દક્ષિણ-પૂર્વ ઓસ્ટ્રેલિયા સહિત ઘણા દેશોમાં ભયાનક તબાહી મચી હતી.
કેઝુએલિટીની દ્દષ્ટિથી દુનિયાના સૌથી ખતરનાક ભૂકંપ ચીનમાં ૧૬૫૬માં આવ્યો હતો, જેમાં ૮.૩૦ લાખ લોકોના મોત થયા હતા. જોકે, પાદરી બિગ્સની આ ભવિષ્યવાણીને લઈને ઘણા સવાલ પણ ઉઠી રહ્યા છે. સંયુક્ત રાજ્ય ભૂવૈજ્ઞાનિક સર્વેક્ષણ (USGS) અનુસાર, ૧૦ અથવા તેનાથી વધારે તીવ્રતાનો ભૂકંપ આવી શકે તેમ જ નથી. ભૂકંપની તીવ્રતા તે ભ્રંશની લંબાઈ સાથે જોડાયેલી હોય છે, જેના પર તે ઘટિત થાય છે. એટલે ફોલ્ટ જેટલો લાંબો હશે, ભૂકંપ એટલો મોટો હશે.
વર્તમાનમાં પૃથ્વી પર કોઈ પણ ફોલ્ટ એટલી લાંબી નથી કે આટલી તીવ્રતાનો ભૂકંપ આવી શકે. જોકે, બિગ્સ જ નહીં ઘણા અન્ય ભવિષ્યવક્તાઓ જેવા બાબા વેંગા, નાસ્ત્રોદમસે વર્ષ ૨૦૨૫માં દુનિયામાં મોટી તબાહી આવવાની ચેતવણી જાહેર કરી છે. જેનાથી માનવજાતિને ભારે નુકસાન થઈ શકે છે. તેમાં ૨૦૨૫ માં એક વિશાળ લધુગ્રહ પૃથ્વી સાથે ટકરાશે અને ૨૦૨૫માં અમેરિકાના પશ્ચિમી તટ પર ભૂકંપ અને નિષ્કિય જ્વાળામુખી ફાટશે સહિત ઘણી વિનાશકારી પ્રાકૃતિક આફતોની ભવિષ્યવાણીઓ સામેલ છે.
