Last Updated on by Sampurna Samachar
FMCG કંપનીઓએ પહેલાથી જ ભાવ ઘટાડાની જાહેરાત કરી
મેડિકલ સ્ટોર્સને ઓછી કિંમતે દવાઓ વેચવાનો નિર્દેશ આપ્યો
(સંપૂર્ણ સમાચાર સેવા)
GST ઘટાડા બાદ, ૨૨ સપ્ટેમ્બરથી રસોડાના વાસણોથી લઈને ઇલેક્ટ્રોનિક્સ, દવાઓ, ઉપકરણો અને વાહનો સુધીની આશરે ૩૭૫ વસ્તુઓ સસ્તી થઇ છે. GST કાઉન્સિલે નવરાત્રિના પહેલા દિવસથી GST દર ઘટાડવાનો ર્નિણય લીધો. જેનાથી ગ્રાહકોને રાહત મળશે.
ઘી, ચીઝ, માખણ, નાસ્તો, કેચઅપ, જામ, ડ્રાયફ્રૂટ, કોફી અને આઈસ્ક્રીમ જેવી સામાન્ય રીતે વપરાતી વસ્તુઓ તેમજ ટીવી, એર કન્ડીશનર અને વોશિંગ મશીન જેવી ઉચ્ચ કક્ષાની વસ્તુઓ પણ સસ્તી થશે. GST ફેરફારોના પ્રતિભાવમાં FMCG કંપનીઓએ પહેલાથી જ ભાવ ઘટાડાની જાહેરાત કરી દીધી છે.
રોજિંદા વસ્તુઓની કિંમતો પણ ઘટી શકે
મોટાભાગની દવાઓ, ફોર્મ્યુલેશન અને ગ્લુકોમીટર અને ડાયગ્નોસ્ટિક કીટ જેવા તબીબી ઉપકરણો પર GST દર ઘટાડીને ૫ ટકા કરવામાં આવ્યો છે, જેનાથી સામાન્ય માણસ માટે દવાઓ સસ્તી થઈ ગઈ છે. સિમેન્ટ પર GST ૨૮ ટકાથી ઘટાડીને ૧૮ ટકા કરવામાં આવ્યો છે, જેનો લાભ ઘર બનાવનારાઓને પણ મળશે.
સરકારે પહેલાથી જ મેડિકલ સ્ટોર્સને તેમના મહત્તમ છૂટક ભાવમાં સુધારો કરવા અથવા GST ઘટાડાના ફાયદાઓને ધ્યાનમાં રાખીને ઓછી કિંમતે દવાઓ વેચવાનો નિર્દેશ આપ્યો છે. GST દર ઘટાડાથી વાહન ખરીદનારાઓને સૌથી વધુ ફાયદો થશે, કારણ કે નાની અને મોટી કાર પરના કર દર અનુક્રમે ૧૮ ટકા અને ૨૮ ટકા કરવામાં આવ્યા છે. ઘણી કાર કંપનીઓએ પહેલાથી જ ભાવ ઘટાડાની જાહેરાત કરી છે.
વાળનું તેલ, સાબુ, શેમ્પૂ, ટૂથબ્રશ અને ટૂથપેસ્ટ જેવી રોજિંદા વસ્તુઓ પણ સસ્તી થઈ શકે છે, કારણ કે તેમના પરનો કર ૧૨/૧૮ ટકાથી ઘટાડીને ૫ ટકા કરવામાં આવ્યો છે. ટેલ્કમ પાવડર, ફેસ પાવડર, શેવિંગ ક્રીમ અને આફ્ટરશેવ લોશન જેવી અન્ય રોજિંદા વસ્તુઓની કિંમતો પણ ઘટી શકે છે, કારણ કે આ વસ્તુઓ પરનો GST ૧૮ ટકાથી ઘટાડીને ૫ ટકા કરવામાં આવ્યો છે.
૨૨ સપ્ટેમ્બરથી, બે ય્જી્ સ્લેબ હશે. મોટાભાગની વસ્તુઓ અને સેવાઓ પર ૫ થી ૧૮ ટકાની વચ્ચે કર લાગશે. લક્ઝરી ચીજવસ્તુઓ પર ૪૦ ટકા કર લાગશે. તમાકુ અને તેને લગતા ઉત્પાદનો પર ૨૮ ટકા કર લાગશે, ઉપરાંત સેસ પણ લાગશે. તો બીજી તરફ આજે સાંજે પીએમ મોદી દેશને સંબોધન કરવાના છે. જેમાં જીએસટી અંગે વાત કરે તેવી શક્યતા છે.
