Last Updated on by Sampurna Samachar
કુલ ૪,૩૬,૩૧૫ રૂપિયાનો મુદ્દામાલ જપ્ત કર્યો
SOG ટીમે આ ઓપરેશન પાર પાડ્યું
(સંપૂર્ણ સમાચાર સેવા)
અમરેલીમાં પોલીસે નકલી બીડી અને તમાકુનું કૌભાંડનો પર્દાફાશ કર્યાનો કેસ સામે આવ્યો છે . અમરેલીમાં સ્પેશિયલ ઓપરેશન બ્રાન્ચએ બાતમીના આધારે રહેણાંક મકાનમાં ચાલતા આ નકલી મીની કારખામાં દરોડા પાડી લાખોનો મુદ્દામાલ કબજે કર્યો છે.
મળતી માહિતી અનુસાર, પોલીસને માહિતી મળી હતી કે, અમરેલીના મણીનગર વિસ્તારમાં આવેલા સાંઈબાબા મંદિર નજીક એક મકાનમાં ગેરકાયદે રીતે નકલી તમાકુ અને બીડી બનાવવાની પ્રવૃત્તિ ચાલી રહી છે. જેને લઈને SOGની ટીમે દરોડો પાડ્યો હતો. આ દરમિયાન સ્થળ પરથી બ્રાન્ડેડ કંપનીના ડુપ્લીકેટ સ્ટીકર, હોલમાર્ક સિક્કા, પેકિંગ મશીનરી અને મોટી માત્રામાં રો-મટિરિયલ મળી આવ્યું હતું.
SOG દ્વારા ફેક્ટરીના સ્થળને સીલ કરાયું
ઘટનાસ્થળ પરથી પોલીસે કુલ ૪,૩૬,૩૧૫ રૂપિયાની કિંમતનો મુદ્દામાલ જપ્ત કર્યો છે. આ સાથે જ આ કૌભાંડના મુખ્ય સૂત્રધાર ઈરફાન પઠાણની ધરપકડ કરવામાં આવી છે. આરોપી દ્વારા તૈયાર કરવામાં આવેલી આ નકલી પ્રોડક્ટ્સ બજારમાં અસલી તરીકે વેચવામાં આવતી હોવાનું પ્રાથમિક તપાસમાં બહાર આવ્યું છે.
અમરેલીના SP સંજય ખરાતની સીધી સૂચના હેઠળ SOGનાં PI આર.ડી. ચૌધરી અને તેમની ટીમે આ ઓપરેશન પાર પાડ્યું હતું. હાલ ફેક્ટરીના સ્થળને સીલ કરવામાં આવ્યું છે. જપ્ત કરાયેલો તમામ માલ અમરેલી સિટી પોલીસ સ્ટેશનને સોંપાયો છે. હવે સિટી પોલીસ એ દિશામાં તપાસ કરી રહી છે કે આ નકલી માલ કયા કયા શહેરો કે ગામડાઓમાં સપ્લાય કરવામાં આવતો હતો અને આ રેકેટમાં અન્ય કોઈ મોટા માથાઓ સામેલ છે કે કેમ તે અંગે તપાસ હાથ ધરાઇ છે.
