Last Updated on by Sampurna Samachar
ગેસ પુરાવી મહુવા જતી ઈકો કારને ડમ્પરે અડફેટે લીધી
(સંપૂર્ણ સમાચાર સેવા)
ભાવનગર- સોમનાથ ધોરીમાર્ગ પર એક ગોઝારો અકસ્માત સામે સર્જાયો હતો. અકસ્માત બોરડા અને પસ્વી ગામ વચ્ચે પમ્પ ખાતેથી ગેસ પુરાવી મહુવા જતી ઈકો કારને ડમ્પરે અડફેટે લીધી હતી. ઈકો કારમાં ૧૧ વિદ્યાર્થિનીઓ સવાર હતી. જે ટૂર્નામેન્ટમાંથી પરત ફરી હતી.
તળાજા નજીક ભાવનગર સોમનાથ રાષ્ટ્રીય ધોરીમાર્ગ પર વિદ્યાર્થિનીઓથી ભરેલી ઈકો કાર પસ્પી ગામ વચ્ચે આવેલાં પમ્પ ખાતે ગેસ પુરાવી મહુવા જઈ રહી હતી. આ દરમિયાન પાછળથી એક ઈકો કારને ડમ્પરે અડફેટે લેતાં ગાડીમાં સવાર ૧૧ વિદ્યાર્થિનીઓ ઈજાગ્રસ્ત થઈ હતી.
ઘટનાની જાણ થતાં આસપાસના લોકોએ પોતાના ઈજાગ્રસ્તોને તાત્કાલિક હોસ્પિટલ ખસેડ્યા હતાં. નોંધનીય છે કે, વિદ્યાર્થિનીઓ જ્ઞાન શક્તિ રેસિડેન્સિયલ સ્કૂલ ઑફ એક્સીલેન્સમાં અભ્યાસ કરતી હતી. આ તમામ વિદ્યાર્થિનીઓ ધોરણ ૬ અને ૭માં અભ્યાસ કરતી હતી.
આ તમામ વિદ્યાર્થિનીઓ ભાવનગર સ્થિત સ્પોર્ટ્સ કોમ્પ્લેક્ષ ખાતે કરાટે સ્પર્ધામાં ભાગ લેવા ગટયા હતાં. ટૂર્નામેન્ટમાંથી પરત ફરતી વખતે તેઓ આ અકસ્માતનો ભોગ બન્યા હતાં. જોકે, સદ્ભાવે કોઈ જાનહાનિ નોંધાઈ નથી.
