Last Updated on by Sampurna Samachar
સ્થાનિકોએ યુવકને બચાવી લેતા મોટી દુર્ઘટના ટળી
(સંપૂર્ણ સમાચાર સેવા)
દારૂના નશામાં એક શખ્સ વીજળીના થાંભલા પર ચડી ગયો. નશો કર્યા બાદ મગજ પર કાબૂ રહેતો નથી અને આ દરમ્યાન કંઈ એવું કરી નાખે છે, જેને લઈને તેને ખુદ ખબર નથી રહેતી. દારૂના નશામાં આંધ્ર પ્રદેશમાં એક શખ્સ સાથે કંઈક આવું જ થયું છે. જેનો વીડિયો સોશિયલ મીડિયા પર ખૂબ ચર્ચામાં છે. નિશ્ચિતપણે આપને આ વીડિયો જોઈને નવાઈ લાગશે. આ વીડિયોમાં શખ્સ દારૂના નશામાં વીજળીના થાંભલા પર ચડી જાય છે, તેને એ પણ નથી ખબર કે આવું કરવાથી તેનો જીવ જઈ શકે છે.
આ વીડિયોમાં લોકોની ભીડ જામેલી છે અને દારૂડિયો શખ્સ વીજળીના થાંભલા પર ચડીને લાઈવ વાયર સ્ટંટ કરતો દેખાય છે. આ વીડિયો જોયા બાદ તમને પણ ઝટકો લાગશે. ત્યારે આપને જણાવી દઈએ કે, આ વિડીયો આંધ્ર પ્રદેશના પાલકોંડા મંડલના એમ. સિંગીપુરમનો છે. જ્યાં આ અજીબોગરીબ ઘટનામાં, એક દારૂડિયો શખ્સ વીજળીના થાંભલા પર ચડી ગયો. તથા લાઈવ વાયર પર સ્ટંટ કરી ગામલોકોને ચોંકાવી દીધા. આ ખતરનાક દૃશ્ય જોઈ સૌ કોઈના શ્વાસ અધ્ધર થઈ ગયા. જોકે ગામલોકોએ સમય રહેતા ટ્રાન્સફોર્મર બંધ કરી દીધું, જેના કારણે આ ભાઈનો જીવ બચી ગયો. બાદમાં ગામના લોકોએ મળીને તેને હેમખેમ નીચે ઉતાર્યો. જેના કારણે એક મોટી દુર્ઘટના થતાં ટળી ગઈ.
