Last Updated on by Sampurna Samachar
મામલો પરિવાર કલ્યાણ સમિતિને મોકલવામાં આવશે
સુપ્રીમ કોર્ટે અલ્હાબાદ હાઈકોર્ટની માર્ગદર્શિકા અપનાવી
(સંપૂર્ણ સમાચાર સેવા)
એક મહત્વપૂર્ણ ર્નિણયમાં સુપ્રીમ કોર્ટે અલ્હાબાદ હાઈકોર્ટની ૨ વર્ષ જૂની માર્ગદર્શિકા અપનાવી છે. સુપ્રીમ કોર્ટે કહ્યું છે કે જ્યારે કોઈ મહિલા દહેજ ઉત્પીડન કાયદા હેઠળ તેના સાસરિયાઓ સામે કેસ દાખલ કરે છે, ત્યારે પોલીસે બે મહિના સુધી પતિ કે તેના સંબંધીઓની ધરપકડ ન કરવી જોઈએ. આ દરમિયાન આ મામલો પરિવાર કલ્યાણ સમિતિને મોકલવામાં આવશે. જે બંને પક્ષો વચ્ચે સમાધાન કરવાનો પ્રયાસ કરશે.
કોર્ટે આ ર્નિણય એક મહિલા IPS સંબંધિત કેસની સુનાવણી દરમિયાન આપ્યો છે. કોર્ટે કહ્યું કે મહિલા IPS અધિકારીએ ઉત્પીડન માટે અખબારોમાં પ્રકાશિત કરીને તેના અલગ થયેલા પતિ અને તેના સંબંધીઓની માફી માંગવી પડશે. CJI BR Gavai અને ન્યાયાધીશ એજી માસીહની બેન્ચે ૨૦૨૨ બેચના IPS અધિકારી શિવાંગી બંસલ અને તેમના પતિ વચ્ચે લગ્ન પછી છૂટાછેડા અંગેના સમાધાન પર ચુકાદો સંભળાવ્યો છે.
પતિ અને મહિલાના સસરા જેલમાં રહ્યા
સુનાવણી દરમિયાન સુપ્રીમ કોર્ટે કહ્યું કે માફી માંગવી જરૂરી છે કારણ કે શિવાંગી દ્વારા દાખલ કરાયેલા કેસોને કારણે તેના પતિ ૧૦૯ દિવસ અને તેના પતિના પિતા ૧૦૩ દિવસ જેલમાં રહ્યા હતા અને સમગ્ર પરિવારને શારીરિક અને માનસિક આઘાત અને ઉત્પીડન સહન કરવું પડ્યું હતું. તેમણે જે સહન કર્યું છે તેની ભરપાઈ કોઈપણ રીતે કરી શકાતી નથી.
IPC ની કલમ ૪૯૮ A મહિલાઓને ઘરેલુ હિંસાથી બચાવવા માટે બનાવવામાં આવી હતી. ખાસ કરીને દહેજ ઉત્પીડન સંબંધિત કેસોને ધ્યાનમાં રાખીને. પરંતુ આ કલમનો પણ દુરુપયોગ થવા લાગ્યો છે. જેમ કે આ કલમનો ઉપયોગ વ્યક્તિગત બદલો લેવા અને બ્લેકમેઇલ કરવા માટે થઈ રહ્યો છે. કોર્ટે પણ ઘણી વખત આ કલમ પર ચિંતા વ્યક્ત કરી છે. વર્તમાન કાયદામાં, આ કલમ ભારતીય ન્યાયિક સંહિતામાં કલમ ૮૫ ના રૂપમાં છે.
