Last Updated on by Sampurna Samachar
“હું ઈચ્છું ત્યાં સુધી હું CSK માટે રમી શકું છું”
ધોનીએ CSK માટે પાંચ IPL ટાઇટલ જીત્યા
(સંપૂર્ણ સમાચાર સેવા)
ઈન્ડિયન પ્રીમિયર લીગ ૨૦૨૫ ની ધમાકેદાર શરૂઆત થઈ ગઈ છે. આ લીગની ૧૮ મી સિઝન છે. જ્યાં IPL ની આ ૧૮મી સિઝન ઘણા દિગ્ગજ ખેલાડીઓ માટે છેલ્લી ટૂર્નામેન્ટ સાબિત થઈ શકે છે. તેમાં એક મહાન ખેલાડી મહેન્દ્રસિંહ ધોનીનું પણ નામ છે. ધોની આ લીગના સૌથી સફળ કેપ્ટનોમાંથી એક રહ્યો છે. તેની કપ્તાની હેઠળ, તેણે CSK માટે પાંચ IPL ટાઇટલ જીત્યા છે. ધોની ૪૩ વર્ષનો છે. છેલ્લી બે સિઝનથી તેના નિવૃત્તિની ઘણી ચર્ચા હતી, પરંતુ આ વખતે મનાઈ રહ્યું છે કે આ તેના માટે છેલ્લી IPL સિઝન હશે.
જોકે, ધોનીએ પોતે IPL માંથી નિવૃત્તિ અંગેના સસ્પેન્સનો અંત લાવ્યો છે. ધોનીએ ૧૮મી સિઝનમાં મુંબઈ ઈન્ડિયન્સ સામેની મેચ પહેલા પોતાની નિવૃત્તિ અંગે ખુલીને વાત કરી હતી અને કહ્યું હતું કે CSK હવે તેના માટે છેલ્લી ફ્રેન્ચાઈઝી છે. તેના નિવેદનથી સ્પષ્ટ થઈ ગયું છે કે ધોની પીળી જર્સીમાં જ IPL માંથી નિવૃત્તિ લેશે.
ધોની હજુ થોડા વર્ષો સુધી આ લીગમાં રમતા જોવા મળી શકે
તમને જણાવી દઈએ કે છેલ્લી ૨ સીઝનથી ધોની (DHONI) ની નિવૃત્તિને લઈને અટકળો ચાલી રહી છે. જોઇએ તેણે દર વખતે આવા અહેવાલોને ફગાવી દીધા હતા. આવી સ્થિતિમાં હવે તેણે ફરી એકવાર સંકેત આપ્યો છે કે હાલમાં તે આ લીગમાંથી નિવૃત્તિ લેવાનું વિચારી રહ્યો નથી. તેણે જિયોહોટસ્ટારને આપેલા ઈન્ટરવ્યુમાં કહ્યું કે, હું ઈચ્છું ત્યાં સુધી હું CSK માટે રમી શકું છું. આ મારી ફ્રેન્ચાઇઝી છે. જો હું વ્હીલચેર પર હોઉં તો પણ CSK મને ખેંચી જશે.
આ સિવાય ટીમના વર્તમાન કેપ્ટન રુતુરાજ ગાયકવાડે પણ ધોનીની IPL માંથી નિવૃત્તિ અંગે વાત કરી અને કહ્યું કે, તે હાલમાં ૪૩ વર્ષના છે. સચિન તેંડુલકર ૫૦ વર્ષની ઉંમરે પણ શાનદાર પ્રદર્શન કરી રહ્યા છે. ધોની હજુ થોડા વર્ષો સુધી આ લીગમાં રમતા જોવા મળશે. આવી સ્થિતિમાં, તે સ્પષ્ટ થઈ ગયું છે કે ધોની IPL ૨૦૨૬માં પણ રમતા જોવા મળી શકે છે.
