GIDC માં છાપો મારી ૧૫.૪૫ લાખનો મુદ્દામાલ કબજે લઇ તપાસ હાથ ધરી છે
(સંપૂર્ણ સમાચાર સેવા)
દાહોદ તાલુકાના ખરેડી GIDC વિસ્તારમાંથી દાહોદ SOG પોલીસે છાપો મારી એક વેપારીને ત્યાંથી શંકાસ્પદ પામોલીન તેલનો જથ્થો તથા બિલ વગરના અને અન્ય સાહિત્ય ઝડપી પાડી કાયદેસરની કાર્યવાહી હાથ ધરતા શહેરમાં ખળભળાટ મચી જવા પામ્યો છે
પ્રાપ્ત વિગતો અનુસાર દાહોદ ગ્રામ્ય પોલીસ મથકની હદમાં આવેલી ખરેડી GIDC માં ન્યુ બાબજી એન્ટરપ્રાઇઝ નામે તેલનો ધંધો કરતા એક ઈસમને ત્યાં દાહોદ જિલ્લા SOG પોલીસે બાતમીના આધારે છાપો મારી અલગ અલગ બ્રાન્ડના પામોલીન તેલ , સોયાબીન તેલ , કપાસિયા તેલની બનાવટો અલગ અલગ ૧૭ ખાદ્ય તેલની બ્રાન્ડના સ્ટીકરો તથા એક છોટા હાથીમાં રાખેલ પામોલીન તેલ ભરેલા ડબ્બાઓ ખાલી બેરેલો તેમજ કારખાનામાં રાખેલ ૧૦,૦૦૦ લિટર પામોલીન તેલ શંકાસ્પદ હાલતમાં ઝડપી પાડી તેની સામે કાયદેસર કાર્યવાહી હાથ ધરી છે.
SOG પોલીસે ઝડપી પાડેલું સાહિત્ય અને તેલ અખાધ છે કે ખાદ્ય છે તેની તપાસ હાથ ધરવા અત્રેના ફૂડ એન્ડ ડ્રગ્સ વિભાગને બોલાવી તેના સેમ્પલો લેવડાવી આગળની તપાસ હાથ ધરી ગઈ એટલું જ નહીં પોલીસે GIDC માં છાપો મારી આ ફેક્ટરીમાંથી મુરતુજાવાલા નામના ઇસમની અટક પણ કરેલ છે.પોલીસે કુલ ૧૫,૪૫,૨૯૯૦ નો મુદ્દામાલ કબજે કરી અત્રેના ગ્રામ્ય પોલીસ મથકમાં જાણવા જોગ દાખલ કરેલ છે.
SOG પોલીસે કબજે કરેલ મુદ્દામાલ પૈકી અલગ અલગ બ્રાન્ડના તેલના પાઉચ નંગ ૪૫૬ કિંમત રૂપિયા ૭૦,૮૦૦ અલગ અલગ બ્રાન્ડના તેલના કેન નંગ ૧૬ કિંમત રૂપિયા ૪૪,૦૦૦ અલગ અલગ બ્રાન્ડના તેલની બોટલ ૨૪ કિંમત રૂપિયા ૨૪૦૦ અલગ અલગ ૧૭ બ્રાન્ડના ૨૫ સ્ટીકરો કુલ સ્ટીકર ૪૨૫ એક છોટા હાથી કિંમત રૂપિયા બે લાખનો ટેમ્પામાં ભરેલ ૧૫ કિલોના ૧૦૪ ડબ્બામાં ભરેલ કુલ ૧૫૦૫ કિલો શંકાસ્પદ પામોલીન તેલ કિંમત રૂપિયા ૨૭૯૦ ખાલી બેરલ નંગ ૫ કિંમત રૂપિયા ૧૦૦૦ તથા સ્થળ ઉપર ૨૫,૦૦૦ લિટરના ટાંકામાં આશરે ૧૦,૦૦૦ પામોલીન કિંમતનો કુલ મળી ?૧૫,૪૫,૨૯૦ નો મુદ્દામાલ કબજે કર્યો છે.
દાહોદ GIDC વિસ્તારમાં મળેલા મુદ્દામાલ અંગે SOG PI , DYSP જગદીશ ભંડારીની આગેવાનીમાં વધુ તપાસ હાથ ધરી જે તે સંબંધિત વિભાગોને જાણ કરેલ હોવાનું જણાવ્યું છે. જોકે વેપારીએ ટેક્સની ચોરી કરી છે. ઝડપાયેલો શંકાસ્પદ જથ્થો ખાદ્ય છે કે અખાદ્ય છે તેવી અનેક તપાસ બાદ જો કંઈક અજગતું મળી આવશે તો વેપારી વિરુદ્ધ કાયદેસર કાર્યવાહી કરવામાં આવશે તેવું જણાવતા તથા પોલીસના આ છાપાથી દાહોદના તેલના વેપારીઓમાં અને આ વેપાર સાથે સંકળાયેલા લોકોમાં ખળભળાટ મચી જવા પામ્યો છે.
