Last Updated on by Sampurna Samachar
પ્રિયંકા ગાંધી સહીત કેટલાક સંસદોએ ‘કેન્દ્ર સરકાર જવાબ આપો’ ના નારા લગાવ્યા
(સંપૂર્ણ સમાચાર સેવા)
કોગ્રેસના મહાસચિવ પ્રિયંકા ગાંધી વાડ્રા અને અન્ય કેટલાક વિપક્ષી સાંસદોએ બાંગ્લાદેશમાં હિંદુઓ સહિત લઘુમતી સમુદાયો પર અત્યાચાર સામે સંસદ પરિસરમાં વિરોધ પ્રદર્શન કર્યું હતું. તેઓએ સરકાર પાસે ન્યાયની માંગ કરી હતી. તેમાં તેમની બેગ ચર્ચાનું કેન્દ્ર બની હતી. , જેના પર ‘બાંગ્લાદેશના હિન્દુઓ અને ખ્રિસ્તીઓ સાથે ઊભા રહો” તેમ લખેલું હતું.
પ્રિયંકા ગાંધી અને અન્ય કેટલાક સાંસદો સંસદ ભવનમાં ‘મકર દ્વાર’ પાસે એકઠા થયા હતા અને ‘કેન્દ્ર સરકાર જવાબ આપો’ અને ‘અમને ન્યાય જોઈએ છે’ ના નારા લગાવ્યા હતા. અગાઉ આ મુદ્દે કોંગ્રેસે સંસદ પરિસરમાં વિરોધ પ્રદર્શન કર્યું હતું. કેરળના વાયનાડથી લોકસભાના સભ્ય પ્રિયંકા ગાંધીએ પણ લોકસભામાં શૂન્યકાળ દરમિયાન આ મુદ્દો ઉઠાવ્યો હતો. તેઓ અગાઉ પેલેસ્ટાઈનના લોકોના સમર્થનમાં પેલેસ્ટાઈન લખેલી હેન્ડબેગ લઈને સંસદ પહોંચ્યા હતા.
જ્યાં વિપક્ષે પેલેસ્ટાઈનની હેન્ડબેગનો વિરોધ કર્યો હતો. પ્રિયંકા ગાંધીએ કહ્યું, ‘હું શું પહેરીશ તે કોણ નક્કી કરશે? સ્ત્રીઓ શું પહેરે છે તે પિતૃસત્તાક સમાજ નક્કી કરે છે. હેન્ડબેગ પકડીને તેમણે આગળ કહ્યું, “મેં ઘણી વખત કહ્યું છે કે આ સંબંધમાં મારી માન્યતાઓ શું છે. જો તમે મારું ટિ્વટર હેન્ડલ જોશો, તો તમને ત્યાં મારું નિવેદન મળશે. પ્રિયંકા ગાંધી એક થેલી સાથે સંસદ પહોંચ્યા હતા જેના પર પેલેસ્ટાઇન લખેલું તરબૂચ હતું. વાસ્તવમાં, તરબૂચને એકતાના પ્રતીક તરીકે વર્ણવવામાં આવ્યું હતું.
