Last Updated on by Sampurna Samachar
ટ્રમ્પનુ ઉત્તર કોરિયાએ વધાર્યું ટેન્શન
અમેરિકા દક્ષિણ કોરિયાનો ખાસ મિત્ર
(સંપૂર્ણ સમાચાર સેવા)
ઉત્તર કોરિયાએ ફરી એકવાર તેના કટ્ટર દુશ્મન અમેરિકાનું ટેન્શન વધાર્યું છે. આ વખતે કોરિયન સરમુખત્યાર કિમ જોંગ ઉને અમેરિકાનો તણાવ ઇન્ટરકોન્ટિનેન્ટલ બેલિસ્ટિક મિસાઇલ , હાઇપરસોનિક મિસાઇલ, પરમાણુ સંચાલિત મિસાઇલ સબમરીન કે પરમાણુ શસ્ત્રોથી નહીં, પરંતુ પોતાની હવાઈ સંરક્ષણ પ્રણાલીથી વધાર્યો છે.
ઉત્તર કોરિયા અને દક્ષિણ કોરિયા વચ્ચે સરહદ પર વધતા તણાવ વચ્ચે આ હવાઈ સંરક્ષણ પ્રણાલી વિકસાવવામાં આવી છે. કોરિયાએ તેની સ્વદેશી હવાઈ સંરક્ષણ પ્રણાલી S-૪૦૦ વિકસાવી છે. આ માહિતી કોરિયન સેન્ટ્રલ ન્યૂઝ એજન્સી દ્વારા આપવામાં આવી હતી. ઉત્તર કોરિયાએ તેની બે નવી હવાઈ સંરક્ષણ પ્રણાલીઓનું પરીક્ષણ કર્યું હતું. જેની એક તસવીર પણ સામે આવી છે, જેમાં સરમુખત્યાર કિમ જોંગ ઉન અજાણ્યા સ્થળે મિસાઇલ પરીક્ષણનું નિરીક્ષણ કરતા જોવા મળે છે.
ઉત્તર કોરિયા રશિયાનું મિત્ર છે
૧૯ ઓગસ્ટના રોજ, LOC ક્રોસ કરવા મુદ્દે દક્ષિણ અને ઉત્તર કોરિયાના દેશોના સૈનિકો વચ્ચે અથડામણ થઈ હતી. બંને દેશોના તણાવ વચ્ચે કિમ જોંગ ઉનની સેનાએ નવી હવાઈ સંરક્ષણ પ્રણાલીથી અમેરિકાનો તણાવ વધાર્યો હતો. ઉલ્લેખનીય છે, અમેરિકા દક્ષિણ કોરિયાનો ખાસ મિત્ર છે, આ ઉપરાંત ઉત્તર કોરિયા પાસે એવા શસ્ત્રો છે, જે સીધા અમેરિકા પર હુમલો કરી શકે છે. ઉત્તર કોરિયા રશિયાનું મિત્ર છે.
-૧૯ મિસાઇલ: તેનું પરીક્ષણ ઓક્ટોબર ૨૦૨૪માં કરવામાં આવ્યું હતું. તેની રેન્જ ૧૫,૦૦૦ કિલોમીટર સુધીની છે, જે અમેરિકા પર પણ સરળતાથી હુમલો કરી શકે છે. આ મિસાઇલ પરમાણુ શસ્ત્રો વહન કરવામાં સક્ષમ છે. આ મિસાઈલને શોધવી અને રોકવી મુશ્કેલ છે.
હાઈપરસોનિક મિસાઇલ: કોરિયાએ ઘણી હાઇપરસોનિક મિસાઇલો વિકસાવી છે. જે અવાજની ગતિ કરતા પાંચ ગણી વધુ ઝડપે ૧,૦૦૦ કિલોમીટરનું અંતર કાપી શકે છે. હાઇપરસોનિક મિસાઇલોની વિશેષતા એ છે કે તેને ટ્રેક કરવી અને રોકવી લગભગ અશક્ય છે, જે તેના દુશ્મન દેશો અને દુશ્મનના સાથીઓ માટે મોટુ જોખમ બની શકે છે. પરમાણુ શસ્ત્રોનો ભંડાર: ઉત્તર કોરિયા પાસે લગભગ ૫૦ પરમાણુ શસ્ત્રો છે. નિષ્ણાતોનો અંદાજ છે કે તેની પાસે એટલી ક્ષમતા છે કે તે ૯૦ પરમાણુ શસ્ત્રો બનાવી શકે છે.
