Last Updated on by Sampurna Samachar
કલેક્ટરના આદેશથી ટ્રાફિક નિયમ તોડનારાઓને અપાઇ રહ્યા છે E-MEMO
કર્મચારીઓ તરફથી બેદરકારી થઇ હોવાની શંકા
(સંપૂર્ણ સમાચાર સેવા)
મધ્ય પ્રદેશના સાગર શહેરમાં એક અનોખો કિસ્સો સામે આવ્યો છે, જ્યાં એક બળદગાડીને E-MEMO આપવામાં આવ્યો છે. આ ચોંકાવનારી ઘટના ત્યારે પ્રકાશમાં આવી જ્યારે આ ચલણનું નોટિસ એક વાહન માલિકને મળ્યું હતું. આ ઘટનાએ લોકોને વિચારતા કર્યા કે બળદગાડીનું સરનામું કેમ મળ્યું અને બળદગાડીમાં નંબર ક્યારથી લાગી ?
મજાની વાત એ છે કે શહેરમાં એક પણ બળદગાડી નથી. હવે લોકો મજાક કરી રહ્યા છે કે સ્માર્ટ સિટીના કેમેરાએ રસ્તા પર બળદગાડી જોઈ અને મોટર વ્હીકલ એક્ટ હેઠળ તેનો ઈ-મેમો મોકલી દીધો. આ તો આશ્ચર્યજનક છે.
E-MEMO રદ કરવાની ખાતરી અપાઇ
હકીકતમાં, સાગર કલેક્ટરના આદેશથી દરરોજ ૧૦૦૦ થી વધુ E-MEMO સ્માર્ટ સિટી દ્વારા કરવામાં આવી રહ્યા છે. ઈ-મેમાની હડબડિમાં કર્મચારીઓ તરફથી આવી બેદરકારી થઈ રહી છે, જેના કારણે સામાન્ય લોકોને મુશ્કેલીઓનો સામનો કરવો પડી રહ્યો છે. કોઈની ગાડી ઘેર રાખેલી છે, પરંતુ તેનો ટ્રાફિક નિયમ તોડવાનો E-MEMO આવી જાય છે, તો ક્યારેક જે વ્યક્તિ હેલ્મેટ પહેરીને ગાડી ચલાવી રહ્યો છે, તેનો હેલ્મેટ ન પહેરવાનો E-MEMO જારી થાય છે, જ્યારે E-MEMO ની ફોટોમાં તે હેલ્મેટ પહેરેલો દેખાઈ રહ્યો છે.
મથુરા પ્રસાદ, કુંભ સ્નાન કરવા ગયા હતા, અને આ દરમિયાન ૩૧ જાન્યુઆરી ૨૦૨૫ના રોજ સ્માર્ટ સિટી કંટ્રોલ રૂમ દ્વારા તેમની ગાડીને ઈ-મેમો આપવામાં આવ્યો હતો. જે પછી વર્ચ્યુઅલ કોર્ટમાં મોકલવામાં આવ્યો હતો. કોર્ટમાંથી નોટિસ મળતા મથુરા પ્રસાદને આની જાણકારી થઈ.
ઈ-મેમો મથુરા પ્રસાદ પટેલના નામે મોકલવામાં આવ્યું હતું, પરંતુ ગુનાની કોલમમાં “૨ બળદગાડી ચાલક” નો ઉલ્લેખ ન હોતો. E-MEMO ભરવા માડવામાં આવતા મથુરા પ્રસાદે દાવો કર્યો કે તે દિવસે તેઓ પરિવાર સાથે કુંભ સ્નાન કરવા ગયેલા હતા. ફરિયાદ કરતા E-MEMO રદ કરવાની ખાતરી આપવામાં આવી હતી.
પરંતુ દંડ ભરવા માટે હજી પણ ફોન આવી રહ્યા છે. તિલી નિવાસી પ્રિયંક રાવતે જણાવ્યું કે તેમની ગાડી MP 15 MM 7609 ના નામે બે જુદા-જુદા ઈ-મેમા આવ્યા છે. આ બંને ઈ-મેમામાં એક સિવિલ લાઈન અને બીજું કટરા મસ્જિદથી સંબંધિત છે.
ચોંકાવનારી વાત એ છે કે બંને E-MEMO માં ઉલ્લેખ કરેલી ગાડીઓ પ્રિયંકની રજિસ્ટર્ડ ગાડીઓ નથી. પ્રિયંક પાસે બજાજ કંપનીની ગાડી છે, પરંતુ E-MEMO માં એક TVS સ્ટાર સિટી અને બીજી હીરો કંપનીની ગાડીનો ઉલ્લેખ છે. સાગરના ટ્રાફિક DSP મયંક સિંહ ચૌહાણે જણાવ્યું છે કે છેલ્લા ૨ મહિનાથી ટ્રાફિક નિયમોનું પાલન ન કરનારા સામે કડક પગલાં લેવામાં આવી રહ્યા છે. જો તેમાં કોઈ ભૂલ થાય તો સ્માર્ટ સિટીમાં જઈને ફરિયાદ કરી શકાય છે, જેનો જલ્દીથી ઉકેલ લાવવામાં આવશે.
