Last Updated on by Sampurna Samachar
કેમેરોન ગ્રીને તોડ્યા રેકોર્ડ
KKR એ ગ્રીનને ૨૫.૨૦ કરોડ રૂપિયામાં ખરીદ્યો
(સંપૂર્ણ સમાચાર સેવા)
કેમેરોન ગ્રીનને કોલકાતા નાઈટ રાઈડર્સે ૨૫.૨૦ કરોડમાં ખરીદ્યો છે. ચેન્નાઈ સુપર કિંગ્સ અને KKR વચ્ચે જોરદાર બિડિંગ વોર જોવા મળી હતી. જેમાં ચેન્નાઈ સુપર કિંગ્સે ૨૫ કરોડ પર આવી હાથ પરત ખેંચી લીધા. ગ્રીન હવે IPL હરાજીના ઇતિહાસમાં સૌથી મોંઘો ખેલાડી બની ગયો છે, તેણે મિશેલ સ્ટાર્કનો રેકોર્ડ તોડ્યો છે, જેને KKR દ્વારા ૨૪.૭૫ કરોડમાં ખરીદવામાં આવ્યો હતો.
કેમેરોન ગ્રીન ૨ કરોડ રૂપિયાના બેઝ પ્રાઈસ સાથે હરાજીમાં ઉતર્યો. શરૂઆતમાં, મુંબઈ ઇન્ડિયન્સ અને રાજસ્થાન રોયલ્સ ગ્રીનને ખરીદવાની દોડમાં હતા. કોલકાતા નાઈટ રાઇડર્સે પણ રસ દર્શાવ્યો. KKR એ ગ્રીન માટે બોલી લગાવવાનું ચાલુ રાખ્યું, પરંતુ રાજસ્થાન પીછેહઠ કરવા તૈયાર ન હતું. બોલી ઝડપથી ૧૩ કરોડ રૂપિયાને વટાવી ગઈ. ત્યારબાદ CSK એ ગ્રીનને ખરીદવા માટે હરાજીમાં પણ પ્રવેશ કર્યો અને હવે CSK અને KKR વચ્ચે જોરદાર સ્પર્ધા છે. KKR એ ગ્રીનને ૨૫.૨૦ કરોડ રૂપિયામાં ખરીદ્યો.
ગ્રીન માટે ૧૩ કરોડ ૪૦ લાખ સુધી બોલી લગાવી
મુંબઈ ઇન્ડિયન્સે કેમેરોન ગ્રીન માટે બોલી લગાવી હતી, પરંતુ તેમના પર્સમાં ફક્ત ૨.૭૫ કરોડ બાકી હતા, તેથી તેઓએ વધારે બોલી લગાવી ન હતી. ત્યારબાદ KKR અને રાજસ્થાન રોયલ્સ વચ્ચે જોરદાર બિડિંગ વોર શરૂ થઈ. રાજસ્થાન, તેમના પર્સમાં ૧૬.૦૫ કરોડ બાકી હતા છતાં ગ્રીન માટે ૧૩ કરોડ ૪૦ લાખ સુધી બોલી લગાવી.
ત્યારબાદ ચેન્નાઈ સુપર કિંગ્સે પ્રવેશ કર્યો. ચેન્નાઈ અને કોલકાતા ફ્રેન્ચાઇઝી વચ્ચે જોરદાર બિડિંગ વોર જોવા મળી. બંને ટીમોને ઓલરાઉન્ડરની જરૂર હતી, તેથી તેઓ ખર્ચ કરવામાં પાછળ ન રહ્યા. IPL હરાજીમાં ચેન્નાઈ સુપર કિંગ્સ દ્વારા કોઈપણ ખેલાડી માટે આ સૌથી વધુ બોલી લગાવવામાં આવી હતી.
અગાઉ, તેઓએ ૨૦૨૩ ની હરાજીમાં બેન સ્ટોક્સને ૧૬.૨૫ કરોડમાં ખરીદ્યો હતો, જે હરાજીમાં તેઓએ કરેલી સૌથી વધુ બોલી હતી.દિલ્હી કેપિટલ્સ, પંજાબ કિંગ્સ, સનરાઇઝર્સ હૈદરાબાદ, લખનૌ સુપર જાયન્ટ્સ, રાજસ્થાન રોયલ્સ, મુંબઈ ઇન્ડિયન્સ, ચેન્નાઈ સુપર કિંગ્સ, ગુજરાત ટાઇટન્સ, કોલકાતા નાઈટ રાઇડર્સ, રોયલ ચેલેન્જર્સ બેંગ્લોર.
IPL હરાજીમાં કોઈ વિદેશી ખેલાડી ૩૦ કરોડમાં વેચાય કે ૨૦ કરોડમાં તેને ૧૮ કરોડ મળશે. જો કેમેરોન ગ્રીનને આજે ૩૦ કરોડમાં બોલી લગાવવામાં આવે તો પણ તેને ફક્ત ૧૮ કરોડ મળશે. જોકે, ફ્રેન્ચાઇઝીના પર્સમાંથી તે જેટલી બોલી લગાવે છે તેના દ્વારા કાપવામાં આવશે. આ નિયમ ૨૦૨૫ની મેગા હરાજી પહેલા સ્થાપિત થયો હતો.
