ICC ટૂંક સમયમાં ચેમ્પિયન્સ ટ્રોફી ૨૦૨૫નું શેડ્યૂલ શેર કરશે
(સંપૂર્ણ સમાચાર સેવા)
ICC એ ચેમ્પિયન્સ ટ્રોફી ૨૦૨૫ને લઈને મોટી માહિતી શેર કરી છે. તેણે કહ્યું છે કે આ ટુર્નામેન્ટ હાઇબ્રિડ મોડલ હેઠળ જ યોજાશે. ટીમ ઈન્ડિયા તેની તમામ મેચ તટસ્થ સ્થળો પર રમશે. જોકે, ICC એ હજુ સુધી ચેમ્પિયન્સ ટ્રોફીનું શેડ્યૂલ જાહેર કર્યું નથી. ભારતીય ક્રિકેટ કંટ્રોલ બોર્ડે ટૂર્નામેન્ટ માટે ટીમ ઈન્ડિયાને પાકિસ્તાન મોકલવાનો ઈનકાર કરી દીધો હતો. તેથી, BCCI ના મુદ્દાને સ્વીકારીને, ICC એ હાઇબ્રિડ મોડલને મંજૂરી આપી છે.
ICC એ પોતાની વેબસાઈટ પર ચેમ્પિયન્સ ટ્રોફી સંબંધિત માહિતી શેર કરી છે. જેમાં ICC એ કહ્યું કે ભારત અને પાકિસ્તાન વચ્ચે ૨૦૨૪ થી ૨૦૨૭ દરમિયાન સાયકલમાં હાઇબ્રિડ મોડલમાં મેચ યોજાશે. આ બંને ટીમો તેમની મેચ તટસ્થ સ્થળો પર રમશે. આ નિયમ આગામી ICC ટૂર્નામેન્ટમાં લાગુ થશે. હવે ICC ટૂંક સમયમાં ચેમ્પિયન્સ ટ્રોફી ૨૦૨૫નું શેડ્યૂલ શેર કરશે. આ ટૂર્નામેન્ટ આવતા વર્ષે ફેબ્રુઆરી અને માર્ચમાં યોજાવાની છે.
ICC એ કહ્યું છે કે ચેમ્પિયન્સ ટ્રોફીની સાથે અન્ય ટૂર્નામેન્ટ પણ છે જે હાઇબ્રિડ મોડલમાં યોજાશે. મહિલા વર્લ્ડ કપ ૨૦૨૫ પણ આ મોડલ પર જ યોજાશે. તેનું આયોજન ભારતમાં થવાનું છે. તેથી પાકિસ્તાન ક્રિકેટ ટીમ હવે ભારત રમવા માટે નહીં આવે. મેન્સ ટી૨૦ વર્લ્ડ કપ ૨૦૨૬ ભારત અને શ્રીલંકામાં આયોજિત થવાનો છે. આ ટુર્નામેન્ટ પણ હાઇબ્રિડ મોડલમાં યોજાવાની છે.
ICC એ પાકિસ્તાન ક્રિકેટ બોર્ડને એક સારા સમાચાર આપ્યા છે. તેણે નક્કી કર્યું છે કે મહિલા T ૨૦ વર્લ્ડ કપ ૨૦૨૮નું આયોજન પાકિસ્તાનમાં કરવામાં આવશે. પરંતુ આ ટુર્નામેન્ટ પણ હાઇબ્રિડ મોડલ સાથે યોજાશે. ટીમ ઈન્ડિયા તેની મેચ પાકિસ્તાનમાં નહીં રમે. પાકિસ્તાનને હોસ્ટિંગ રાઇટ્સ આપવામાં આવ્યા છે.
