બાંગ્લાદેશની એક કોર્ટે તેમની જામીન અરજી ફગાવી દીધી
(સંપૂર્ણ સમાચાર સેવા)
ઇસ્કોનના પૂજારી ચિન્મય કૃષ્ણ દાસને બાંગ્લાદેશમાં મોટો આંચકો લાગ્યો છે. બાંગ્લાદેશની એક કોર્ટે તેની જામીન અરજી ફગાવી દીધી છે. કોર્ટે કહ્યું કે તે આ કેસની આગામી સુનાવણી ૨ જાન્યુઆરીએ કરશે. કોર્ટે અગાઉ ૨૬ નવેમ્બરે તેની જામીન અરજી ફગાવી દીધી હતી. ચિન્મય કૃષ્ણ દાસની ૨૫ નવેમ્બરે રાજદ્રોહના આરોપમાં ધરપકડ કરવામાં આવી હતી.
ચટગાંવના મેટ્રોપોલિટન સેશન્સ જજ મોહમ્મદ સૈફુલ ઈસ્લામે જણાવ્યું હતું કે ચિન્મય કૃષ્ણ દાસની અરજી ફગાવી દેવામાં આવી હતી કારણ કે તેમની પાસે કોઈ વકીલનો લેટર ઑફ એટર્ની નથી. આ પછી બાંગ્લાદેશ સુપ્રીમ કોર્ટના વરિષ્ઠ વકીલ અને માનવાધિકાર કાર્યકર્તા રવિન્દ્ર ઘોષ ચટ્ટગાંવ ગયા અને ચિન્મય કૃષ્ણ દાસ માટે કોર્ટમાં અરજી રજૂ કરી હતી.
જ્યારે ઘોષે કોર્ટમાં આગોતરી સુનાવણીની વિનંતી કરી, ત્યારે અન્ય વકીલોએ તેનો વિરોધ કર્યો અને કહ્યું કે ઘોષ પાસે ચિન્મય કૃષ્ણ દાસનું પ્રતિનિધિત્વ કરવા માટે કોઈ પાવર ઓફ એટર્ની નથી. આ પછી કોર્ટે દાસની અરજી ફગાવી દીધી હતી.
આ મામલે ઘોષે કહ્યું કે મેં ચિન્મય કૃષ્ણ દાસની જામીનની સુનાવણી માટે વહેલી તારીખ નક્કી કરવા માટે ચટ્ટગાંવ કોર્ટમાં અરજી આપી હતી, પરંતુ તે સમયે લગભગ ૩૦ વકીલોની પરવાનગી વગર કોર્ટ રૂમમાં હાજર હતા. કોર્ટમાં આવીને મારા પર હુમલો કરવાનો પ્રયાસ કર્યો હતો. તેણે કહ્યું કે તેઓ મને ઇસ્કોન એજન્ટ, ચિન્મયનો એજન્ટ કહીને ચીડવે છે. તેઓ મને ખૂની કહે છે. હું વકીલ તરીકે આવ્યો છું. હું ખૂની કેવી રીતે બની શકું?
આ કેસમાં સુનાવણી ૩ ડિસેમ્બરે થવાની હતી, પરંતુ ફરિયાદ પક્ષના સૂચન પર, ચિન્મય કૃષ્ણ દાસ વતી કોઈ વકીલ હાજર ન થવાને કારણે કોર્ટે તારીખ ૨ જાન્યુઆરી, ૨૦૨૫ સુધી ટાળી દીધી હતી. મહત્વનું છે કે, બાંગ્લાદેશમાં બળવા પછી હિન્દુઓનો નરસંહાર થઈ રહ્યો છે. શેખ હસીનાએ સત્તા છોડ્યા બાદ બાંગ્લાદેશમાં હિંદુઓને ર્નિદયતાથી કચડવામાં આવી રહ્યા છે. લઘુમતી હિંદુ સમુદાય વિરુદ્ધ મોટા પાયે લૂંટફાટ અને તોડફોડ કરવામાં આવી રહી છે. હિંદુઓના વેપારી મથકો અને ઘરોને નિશાન બનાવવામાં આવી રહ્યા છે.