Last Updated on by Sampurna Samachar
સુરક્ષાકર્મીઓને ચકમો આપી યુવક મંદિરમાં પ્રવેશી ગયો
(સંપૂર્ણ સમાચાર સેવા)
અયોધ્યાથી એક મોટા સમાચાર સામે આવી રહ્યા છે. એક યુવકે કેમેરાવાળા ચશ્મા પહેરીને રામ મંદિરમાં પ્રવેશ કર્યો હતો. જણાવી દઈએ કે, મંદિર પરિસરમાં કેમેરા સાથે પ્રવેશ પર પ્રતિબંધ છે. આમ છતાં આ વ્યક્તિએ સુરક્ષાકર્મીઓને ચકમો આપ્યો હતો.આ ઘટના બાદ તૈનાત સુરક્ષાકર્મીઓ પણ આશ્ચર્યચકિત થઈ ગયા હતા. આ વ્યક્તિ મંદિરની અંદર પહોંચ્યો હતો, પરંતુ જેમ જ તેણે ફોટો લેવાનો પ્રયાસ કર્યું કે, તરત જ બધાનું ધ્યાન તેના પર પડ્યું હતું. ચશ્મામાં કેમેરા લગાવેલા હતા. તરત જ તેણે ફોટો લેવાનો પ્રયાસ કર્યો કે, કેમેરાની ફ્લેશલાઈટ થતાં જ પરિસરમાં તૈનાત સુરક્ષાકર્મીઓને ખબર પડી ગઈ હતી. જે બાદ તેને તરત જ પકડી લેવામાં આવ્યો છે અને સુરક્ષાકર્મીઓએ તેની પૂછપરછ શરૂ કરી હતી.
આ ઘટનાનો યુવક વડોદરાનો રહેવાસી જાની જયકુમાર ભગવાન રામના દર્શન કરવા અયોધ્યા આવ્યો હતો. જન્મભૂમિ પથ પરથી તમામ ચેકિંગ પોઈન્ટ વટાવીને અમે કેમ્પસના સિંઘ ગેટ પર પહોંચ્યા હતા. આ દરમિયાન યુવકે તે ચશ્મા વડે રામ મંદિરનો ફોટો ક્લિક કરવાનો પ્રયાસ કર્યો, ત્યારે રૂમમાં ફ્લેસ લાઈટ થવા લાગી હતી. સિંહ દ્વાર પાસે તૈનાત સુરક્ષાકર્મીઓની નજર આ યુવક પર પડતા જ સુરક્ષાકર્મીઓએ તેને પકડી લીધો અને પૂછપરછ શરૂ કરી છે.
જોકે, આ સમગ્ર મામલે SP સિક્યોરિટી બાલાચારી દુબેએ જણાવ્યું કે, યુવકને કસ્ટડીમાં લેવામાં આવ્યો છે. પૂછપરછ કરવામાં આવી રહી છે, જોકે હજુ સુધી કોઈ ગુનાહિત ઈતિહાસ સામે આવ્યો નથી. સતત તપાસ ચાલી રહી છે અને તમામ એજન્સીઓ કામે લાગી છે. અયોધ્યા રામ મંદિરની સુરક્ષાની જવાબદારી UP સરકાર દ્વારા રચવામાં આવેલ વિશેષ સુરક્ષા દળ ના હાથમાં છે.
PSC અને UP પોલીસના શ્રેષ્ઠ કર્મચારીઓને જોડીને SSF ની રચના કરવામાં આવી છે. આ જવાનોને વિશેષ તાલીમ આપ્યા બાદ રામ મંદિરની સુરક્ષા માટે તૈનાત કરવામાં આવ્યા છે. આ અગાઉ રામ લલ્લાની સુરક્ષા માટે ૬ બટાલિયન અને ૧૨ કંપનીઓ તૈનાત કરવામાં આવી હતી. આ વિશેષ દળની રચના વખતે તેનો ઉદ્દેશ્ય અને જવાબદારી નક્કી કરવામાં આવી હતી. તેથી હવે તેમને અયોધ્યામાં રામલલાની સુરક્ષા સહિત રાજ્યના સંવેદનશીલ સ્થળોની સુરક્ષા માટે તૈનાત કરવામાં આવશે.
