વધુ એક પોલીસ અધિકારીએ આત્મહત્યા કર્યાનો બનાવ

Last Updated on 15/10/2025 by Sampurna Samachar

ASI સંદીપ લાઠરનો મૃતદેહ મળી આવ્યો

આસિસ્ટન્ટ સબ-ઇન્સ્પેક્ટર સંદીપ લાઠરે પોતાની ગોળી મારી દીધી

(સંપૂર્ણ સમાચાર સેવા)

હરિયાણામાં IPS વાય. પૂરણ કુમારના મૃત્યુનો મામલો હજુ ઠંડો પડ્યો નથી, અને હરિયાણા પોલીસમાં વધુ એક દુ:ખદ ઘટના સામે આવી છે. રોહતક સાયબર સેલમાં તૈનાત આસિસ્ટન્ટ સબ-ઇન્સ્પેક્ટર સંદીપ લાઠરએ પોતાને ગોળી મારી લીધી છે. આ ઘટના લગભગ એક કલાક પહેલા બની હોવાનું જાણવા મળ્યું છે.

આ કેસમાં અત્યાર સુધી મળેલી માહિતી અનુસાર, ASI સંદીપ લાઠરનો મૃતદેહ રોહતક-પાણીપત રોડ પર મકૌડી ટોલ પ્લાઝા પાસેના ખેતરમાં ટ્યુબવેલમાંથી મળી આવ્યો હતો. સંદીપ લાઠરે પોતાની સર્વિસ રિવોલ્વરથી પોતાને ગોળી મારી લીધી હતી. માહિતી મળતાં જ NEB પોલીસ ઘટનાસ્થળે પહોંચી ગઈ છે.

IPS પુરણ કુમારે પોતે સુસાઇડ નોટ લખી

પોલીસને ઘટનાસ્થળેથી એક નોટ પણ મળી હતી, જેને કબજે લેવામાં આવી છે. સુસાઈડ નોટમાં ASI એ IPS પુરણ પર ભ્રષ્ટાચારનો આરોપ લગાવ્યો હતો. તેમણે એમ પણ લખ્યું હતું કે, DGP ખૂબ જ પ્રામાણિક હતા. હાલમાં, પોલીસે મૃતદેહને પોસ્ટમોર્ટમ માટે મોકલી દીધો છે અને આ મામલાની સંપૂર્ણ તપાસ કરી રહી છે.

પૂરણ કુમારની પત્ની, IAS અધિકારી અમનીત પૂરણ કુમારે ચંદીગઢ પોલીસમાં ફરિયાદ નોંધાવી હતી. પીડિતાના પરિવારે આરોપી અધિકારીઓનું નામ FIR માં દાખલ કરીને ધરપકડ કરવાની પણ માંગ કરી છે. જ્યાં સુધી આ ન થાય ત્યાં સુધી, પરિવારે મૃતક IPS અધિકારીનું પોસ્ટમોર્ટમ અને અંતિમ સંસ્કાર કરવાનો ઇનકાર કર્યો છે.

આ દરમિયાન, ચંદીગઢ પોલીસે મૃતક IPS અધિકારીની પત્નીને નોટિસ જાહેર કરી છે અને પૂરણના લેપટોપની માંગણી કરી છે. પોલીસ માને છે કે, આ લેપટોપ તપાસમાં મહત્વપૂર્ણ પુરાવા સાબિત થઈ શકે છે, ખાસ કરીને સુસાઇડ નોટ અને ઇમેઇલ વિગતોની સત્યતા અંગે.

પોલીસે કહ્યું છે કે, તેઓ સુસાઇડ નોટની સત્યતા ચકાસવા માટે લેપટોપને સેન્ટ્રલ ફોરેન્સિક સાયન્સ લેબને મોકલવાનો ઇરાદો ધરાવે છે, જેથી ખાતરી કરી શકાય કે, IPS પુરણ કુમારે પોતે સુસાઇડ નોટ લખી હતી.