Last Updated on by Sampurna Samachar
રેસના ચક્કરમાં નબીરાઓએ અકસ્માત સર્જયો
૧૫૦થી વધુની સ્પીડે કાર હંકારી ૩ વાહનો વચ્ચે સર્જાયો અકસ્માત
(સંપૂર્ણ સમાચાર સેવા)
સુરતના વેસુ વિસ્તારમાં રેસના ચક્કરમાં નબીરાઓએ અકસ્માત સર્જયો હોવાની વાત સામે આવી છે, બેફામ લક્ઝુરીયસ કારચાલકે અકસ્માત સર્જતા પોલીસે અકસ્માત સર્જનાર મંથન પટેલની ધરપકડ કરી છે.નબીરા મંથન પટેલ સામે ડ્રિંક એન્ડ ડ્રાઈવનો ગુનો વેસુ પોલીસે નોંધ્યો છે અને રેસના ચક્કરમાં ૩ વાહનો વચ્ચે સર્જાયો અકસ્માત અને ૧૫૦થી વધુની સ્પીડે કાર હંકારી અકસ્માત સર્જ્યો હતો. કાર વચ્ચે રેસ લાગી હતી અને તેમાં આ અકસ્માત સર્જાયો છે.
આ ઘટનામાં કોઈ જાનહાની થઈ નથી અને કોઈ મોત થયું ન હોવાનું સામે આવતા સ્થાનિકોએ રાહતનો શ્વાસ લીધો હતો.નબીરો મંથન પટેલ કાર ચલાવતો હોવાનું ખુલ્યું છે અને રોડ પર રહેલા લાઈટના પોલને પણ નુકસાન થયું છે, મંથન પટેલ સાથે ઋષિ પટેલ કારમાં સવાર હતો અને YPD મેરેજ હોલમાં સગાઇમાં દારૂ પાર્ટી કરી હતી કે નહી તેને લઈ પોલીસ તપાસ કરી રી છે, અમેરિકાથી આવેલો મિત્ર દારૂની બોટલ લાવ્યો હતો તેવી વાત પણ સામે આવી છે અને અકસ્માત બાદ કારમાંથી દારૂની બોટલ ગાયબ થઇ છે, અકસ્માત સ્થળેથી માત્ર ગ્લાસ મળી આવતા પોલીસ પર પણ સવાલો ઉભા થયા છે.
સ્વીફટ કારમાં બેઠેલી મહિલાને ગંભીર ઇજા થઈ
સુરત શહેરમાં નબીરાઓએ ફરી બેફામ બની અકસ્માત સર્જ્યો છે, વેસુ VIP રોડ પર બેફામ મહિન્દ્રા BE-૬ અને BMW સાથે સ્વીફ્ટ કારનો અકસ્માત થયો છે, અકસ્માત થતાની સાથે જ BE-૬ અને BMW ની એરબેગ પણ ખુલી ગઈ હતી, આ અકસ્માત એટલો ગંભીર હતો કે રોડ પર રહેલ ઈલેકટ્રીક પોલ પણ ઢળી પડયા હતા, તો પોલીસ તરફથી એવી પણ માહિતી સામે આવી છે કે સ્વીફટ કારમાં જે મહિલા બેઠી હતી તેને ગંભીર ઈજા પહોંચી છે.
પોલીસની તપાસમાં સામે આવ્યું છે કે, મંથન પટેલ કાર ચલાવતો હતો અને સાથે ઋષિ પટેલ પણ સાથે હતો અને દારૂની પાર્ટી પતાવીને પરત ફરતા હતા તે સમયે આ અકસ્માત થયો છે અને મહત્વની વાત તો એ છે કે, આ સમગ્ર ઘટનામાં સ્થળ પરથી દારૂના ગ્લાસ તો મળી આવ્યા પણ બોટલ ગાયબ થઈ ગઈ છે, પોલીસે બોટલ છુપાવી કે કોઈ અન્યએ આ બોટલ છુપાવી તેને લઈ રહસ્ય છે.
