Last Updated on by Sampurna Samachar
પંજાબના નાણામંત્રી હરપાલ ચીમાએ ભાજપ સરકાર પર લગાવ્યો આરોપ
(સંપૂર્ણ સમાચાર સેવા)
અમેરિકામાં ગેરકાયદે રહેતા ભારતીયોને દેશનિકાલ કરવામાં આવી રહ્યા છે. જેમાં દેશનિકાલ કરાયેલા આ ભારતીય નાગરિકોને લઈને ફ્લાઈટ આવશે તેમ માહિતી મળી રહી છે. આ પછી, બીજી ફ્લાઇટ ફરીથી ભારત આવી શકે છે, જેમાં દેશનિકાલ કરાયેલા ભારતીયોનો ત્રીજો જથ્થો મોકલવામાં આવશે. સૂત્રોના જણાવ્યા મુજબ પંજાબ સરકારને આ ર્નિણયની જાણ કરવામાં આવી છે અને અમેરિકા ટૂંક સમયમાં ગેરકાયદેસર ઇમિગ્રન્ટ્સનો બીજો સમૂહ ભારત મોકલશે.
આ પહેલા ૫ ફેબ્રુઆરીના રોજ, ૧૦૪ દેશનિકાલ કરાયેલા સ્થળાંતરીઓને લઈને એક યુએસ લશ્કરી વિમાન અમૃતસર પહોંચ્યું હતું. રાષ્ટ્રપતિ ડોનાલ્ડ ટ્રમ્પના વહીવટ હેઠળ આ સૌથી મોટા દેશનિકાલ ઓપરેશનમાંનું એક છે. તે જ સમયે, અમૃતસરમાં વિમાન લેન્ડ કરવાના ર્નિણયથી વિવાદ સર્જાયો છે.
પંજાબના નાણામંત્રી હરપાલ ચીમાએ આરોપ લગાવ્યો છે કે ભાજપની આગેવાની હેઠળની કેન્દ્ર સરકાર જાણી જોઈને પંજાબને નિશાન બનાવી રહી છે. ચીમાએ કહ્યું, “સરકાર દેશનિકાલ કરાયેલા ભારતીયોને લઈ જતું વિમાન અમૃતસરમાં ઉતરાણ કરાવીને પંજાબને બદનામ કરવા માંગે છે. હરિયાણા કે ગુજરાતમાં કેમ નહીં? આ સ્પષ્ટપણે ભાજપ દ્વારા પંજાબની છબી ખરાબ કરવાનો પ્રયાસ છે. આ વિમાન અમદાવાદમાં ઉતરવું જોઈએ.
