Last Updated on by Sampurna Samachar
હૈદરાબાદમાં રવિતેજાના પરિવારમાં શોકનું મોજુ ફરી વળ્યું
(સંપૂર્ણ સમાચાર સેવા)
અમેરિકાના વોશિંગ્ટન ડીસીમાં ગોળીબારની ઘટનામાં હૈદરાબાદના એક છોકરાનું મૃત્યુ થયું છે. મૃતકની ઓળખ રવિ તેજા તરીકે થઈ છે, જે હૈદરાબાદના આરકે પુરમ ગ્રીન હિલ્સ કોલોનીનો રહેવાસી છે.
ઘટનાની વિગત એવી છે કે હૈદરાબાદના ચૈતન્યપુરીમાં ગ્રીન હિલ્સ કોલોનીમાં આરકે પુરમના વતની રવિ તેજા ૨૦૨૨ માં માસ્ટર્સ કરવા ગયા હતા. અભ્યાસ પૂર્ણ કર્યો હતો અને નોકરી માટે ટ્રાયલ ચાલી રહી હતી. આ ઘટના બાદ હૈદરાબાદમાં રવિતેજના પરિવારમાં શોકનું મોજુ ફરી વળ્યું છે.
પ્રાપ્ત માહિતી અનુસાર, રવિ તેજા વોશિંગ્ટન ડીસીમાં એક ગેસ સ્ટેશન પાસે હાજર હતો, ત્યારે અજાણ્યા હુમલાખોરોએ તેમના પર ગોળીબાર કર્યો. ગંભીર રીતે ઘાયલ રવિને હોસ્પિટલ લઈ જવામાં આવ્યો, પરંતુ ડોક્ટરોએ તેને મૃત જાહેર કર્યો. હૈદરાબાદમાં રહેતા રવિના પરિવારને આ ઘટનાની જાણ થતાં જ તેઓ ઘેરા આઘાતમાં સરી પડ્યા. પરિવારના જણાવ્યા મુજબ, રવિ એક આશાસ્પદ વિદ્યાર્થી હતો અને તેનું સ્વપ્ન પોતાનું અભ્યાસ પૂર્ણ કરીને વધુ સારી કારકિર્દી બનાવવાનું હતું. અમેરિકામાં ગોળીબારની આવી ઘટનાઓ સામાન્ય બની ગઈ છે. ગયા વર્ષે નવેમ્બરમાં, તેલંગાણાના ખમ્મમ જિલ્લાના એક યુવકની શિકાગોના એક ગેસ સ્ટેશન પર બદમાશોએ ગોળી મારીને હત્યા કરી હતી.
