રાધિકા મર્ચન્ટની સાદગી લોકોનું મન મોહી લે છે
(સંપૂર્ણ સમાચાર સેવા)
અંબાણી પરિવાર હાલમાં બોલિવુડ સ્ટારથી પણ વધારે ચર્ચામાં રહે છે. નીતા અંબાણીથી લઈ નાની વહુ અને દીકરી ઈશા સુધી ટુંકમાં અંબાણી પરિવારની મહિલાઓ ચર્ચામાં રહેતી હોય છે. તેમાં પણ સૌથી વધારે ચર્ચા અંબાણી પરિવારની નાની વહુ રાધિકા મર્ચન્ટની થતી હોય છે.
રાધિકા પોતાના લુક અને સ્ટાઈલથી લોકોનું દિલ જીતી લે છે. તેની સાદગી પણ લોકોનું મન મોહી લે છે. ત્યારે હાલમાં રાધિકા મર્ચન્ટ ભક્તિમાં જોવા મળી હતી. રાધિકાના આ અંદાજના લોકોએ વખાણ કર્યા અને તેના સંસ્કારોના પણ વખાણ કરી રહ્યા છે. સમગ્ર અંબાણી પરિવાર ખુબ ધાર્મિક છે. અંબાણી પરિવારની નાની વહુ રાધિકા મર્ચન્ટ માતા-પિતાની સાથે શ્રીનાથજીના દર્શન કરવા માટે નાથદ્વારા પહોંચી હતી. રાધિકા મર્ચન્ટ પિંક ડ્રેસમાં જોવા મળી હતી. મંદિરમાં રાધિકાને સન્માનિત કરવામાં આવી હતી.
તમને જણાવી દઈએ કે, ૧૨ જુલાઈ ૨૦૨૪ના મુંબઈના વર્લ્ડ જિઓ ડ્રાઈવમાં મર્ચન્ટ અને અનંત અંબાણી લગ્નના બંધનમાં બંધાયા હતા. બંન્ને લગ્નમાં ખુબ ખુશ જોવા મળ્યા હતા. આ રાધિકા-અનંતના લગ્નમાં દેશ-વિદેશી મહેમાનો આવ્યા હતા. લગ્ન પહેલા પ્રી વેડિંગ ફંક્શનનું આયોજન કરવામાં આવ્યું હતું. જામનગરમાં પહેલા પ્રી વેડિંગ રાખવામાં આવ્યું હતુ. ત્યારબાદ બીજું પ્રી વેડિંગ ફ્રાંસ-ઈટલીમાં આયોજિત કરવામાં આવ્યું હતું.
