DCPU એ કોનસર્ટમાં બાળકોને ઈયરપ્લગ વગર પ્રવેશ ન આપવા જણાવાયું
(સંપૂર્ણ સમાચાર સેવા)
અમદાવાદમાં યોજાનારા કોલ્ડપ્લે કોન્સર્ટના આયોજકોને નોટિસ આપવામાં આવી છે. જેમાં બાળકોને લઇને ખાસ સૂચના અપાઇ છે. તેમાં વિશ્વના સૌથી મોટા નરેન્દ્ર મોદી સ્ટેડિયમ ખાતે આગામી ૨૫-૨૬ જાન્યુઆરીના રોજ યોજાનારા કોલ્ડપ્લે કોન્સર્ટના આયોજકોને નોટિસ ફટકારવામાં આવી છે.
અમદાવાદ ડિસ્ટ્રિક્ટ ચાઈલ્ડ પ્રોટેક્શન યુનિટ (DCPU) દ્વારા નોટિસ ફટકારીને કોન્સર્ટમાં જાહેર સ્ટેજ પર બાળકોનો ઉપયોગ ન કરવા અને સ્ટેડિયમમાં પ્રવેશતા પહેલા બાળકોને ઈયરપ્લગ લગાડવામાં આવે તેને લઈને નોટિસ પાઠવવામાં આવી છે. જાન્યુઆરીએ યોજાનારા કોલ્ડપ્લે કોન્સર્ટના આયોજકોને ડિસ્ટ્રિક્ટ ચાઈલ્ડ પ્રોટેક્શન યુનિટ (DCPU) દ્વારા નોટિસ ફટકારવામાં આવી છે. કોન્સર્ટ વખતે જાહેર મંચ પર બાળકોને ન બોલાવવા અંગે નોટિસમાં જણાવાયું છે.
કોન્સર્ટ દરમિયાન ૧૨૦ ડેસિબલથી વધુનો અવાજ ઉત્પન્ન થતો હોવાથી બાળકો માટે આટલો અવાજ ઘોંઘાટરૂપ સાબિત થતા તેમના કાન અને મન પર અસર પહોંચે છે. જેને ધ્યાનમાં રાખીને DCPU એ નોટિસમાં બાળકોને ઈયરપ્લગ વગર સ્ટેડિયમમાં પ્રવેશ ન આપવા જણાવ્યું છે. મળતી માહિતી મુજબ, અગાઉ પણ દિલજીત દોસાંઝના કોન્સર્ટમાં આ મામલે કર્ણાટક સરકારે નોટિસ ફટકારી હતી.
