Last Updated on by Sampurna Samachar
મહિલા પર રાતે લિફ્ટ આપવાના બહાને હેવાનિયત ગુજારાઈ
પોલીસે બે નરાધમોની અટકાયત કરી
(સંપૂર્ણ સમાચાર સેવા)
ફરિદાબાદમાંથી સામુહિક દુષ્કર્મની હચમચાવતી ઘટના સામે આવી છે. તાજેતરમાં જ રાજસ્થાનના ઉદયપુરમાં ચાલતી કારમાં સામૂહિક દુષ્કર્મની ઘટના બની હતી. જેના જેવી વધુ એક ઘટના હરિયાણાના ફરિદાબાદમાં બની છે. અહીં ૨૫ વર્ષીય મહિલા પર રાતે લિફ્ટ આપવાના બહાને હેવાનિયત ગુજારાઈ હતી.
પીડિતાએ આ ઘટના વિશે જણાવતા કહ્યું કે બે નરાધમોએ ચાલતી કારમાં મારી સાથે સામૂહિક દુષ્કર્મ કર્યું હતું અને આખી રાત હેવાનિયત ગુજાર્યા બાદ મને ચાલતી કારમાંથી ધક્કો મારી બહાર ફેંકી દીધી હતી. આ મામલે પોલીસે બે લોકોની અટકાયત પણ કરી લીધી છે. અહેવાલ અનુસાર મહિલા જ્યારે ઘરેથી નીકળી રહી હતી ત્યારે ઘરે તેની માતા સાથે તેનો ઝઘડો થયો હતો. જેના પછી તે નારાજ થઇ જતી રહી હતી
લિફ્ટ તેના માટે ભયાવહ સાબિત થઇ
પીડિતા તેની બહેનને જણાવીને ગઇ હતી કે તે કોઈ મિત્રના ઘરે જઈ રહી છે અને બે ત્રણ કલાકમાં પાછી આવી જશે પણ રાતે મોડું થઈ જતાં તેને કોઈ વાહન નહોતું મળી રહ્યું. છેવટે કલ્યાણપુરી વિસ્તારમાં મેટ્રો ચોક નજીક તેને વાનમાં આવેલા બે લોકોએ લિફ્ટ ઓફર કરી. પીડિતા તેમાં બેસી ગઇ હતી. તેણે વિચાર્યું હશે કે તે શાંતિથી ઘરે પહોંચી જશે પરંતુ આ લિફ્ટ તેના માટે ભયાવહ સાબિત થઇ.
વાહનચાલક અને તેનો સાથી પીડિતાને ઘરે મૂકવાની જગ્યાએ ગુરુગ્રામ-ફરિદાબાદ રોડ તરફ લઈ ગયા હતા. અહીં હનુમાન મંદિર વિસ્તારથી આગળ વધી ગયા હતા. ત્યાં મહિલાને શંકા થતા તેણે બૂમો પાડવાનું શરૂ કર્યું હતું. રાતે વધારે પડતી ઠંડી અને ગાઢ ધુમ્મસને કારણે કોઈ તેને મદદ માટે ન આવ્યું
પોલીસે કહ્યું કે આ વાત લગભગ ત્રણ કલાક સુધી અલગ અલગ સુમસાન રસ્તાઓ પર ફરતી રહી. આ દરમિયાન આરોપીઓએ વારાફરતી સામૂહિક દુષ્કર્મની ઘટનાને અંજામ આપ્યો હતો. પછી સવારે લગભગ ૩ વાગ્યે આ લોકો વાનમાંથી ઘાયલ અવસ્થામાં યુવતીને ફેંકીને જતા રહ્યા હતા.
