Last Updated on by Sampurna Samachar
RSS ના વડા મોહન ભાગવતનુ મોટુ નિવેદન
સમારોહમાં સરસંઘચાલક મોરોપંત પિંગલેને યાદ કર્યા
(સંપૂર્ણ સમાચાર સેવા)
રાષ્ટ્રીય સ્વયંસેવક સંઘ (RSS) ના વડા મોહન ભાગવતે નાગપુરના વનમતી હોલમાં એક કાર્યક્રમમાં હાજરી આપી હતી. આ દરમિયાન તેમણે કહ્યું કે ૭૫ વર્ષ પછી વ્યક્તિએ બીજાને તક આપવી જોઈએ. સંઘના વરિષ્ઠ અધિકારી મોરોપંત પિંગલેના જીવન પર આધારિત એક અંગ્રેજી પુસ્તકના વિમોચન સમારોહમાં સરસંઘચાલક મોરોપંત પિંગલેને યાદ કર્યા.
આ પ્રસંગે તેમણે કહ્યું કે વૃંદાવનમાં યોજાયેલી સંઘની એક બેઠકમાં મોરોપંત પિંગલેને તેમના ૭૫ વર્ષના થવા પર સન્માનિત કરવાનો ર્નિણય લેવામાં આવ્યો હતો. તે સમયે, તત્કાલીન સરકાર્યવાહ શેષાદ્રીએ પણ મોરોપંતને શાલ પહેરાવીને સન્માનિત કર્યા હતા. તે સમયે મોરોપંતે કહ્યું હતું કે હું ૭૫નો અર્થ સમજું છું.
બાળપણથી જ આત્મબલિદાનની કઠિન સાધના કરી
મોરોપંતને યાદ કરતા મોહન ભાગવતે કહ્યું કે આ તેમનો એક ઉપદેશ છે. મોરોપંત પિંગલે રાષ્ટ્રીય સ્વયંસેવક સંઘમાં કોઈપણ પ્રચાર વિના કામ કરવાનું અને ૭૫ વર્ષ પછી નિવૃત્તિ લેવાનું શીખવ્યું હતું. કટોકટી પછીના રાજકીય પરિવર્તન દરમિયાન RSS ના વડાએ પિંગલેની આગાહીઓનો ઉલ્લેખ કર્યો અને કહ્યું કે જ્યારે ચૂંટણીઓની ચર્ચા થઈ. ત્યારે મોરોપંતે કહ્યું હતું કે જો બધા વિપક્ષી પક્ષો એક સાથે આવે તો તેઓ લગભગ ૨૭૬ બેઠકો જીતશે અને જ્યારે પરિણામો આવ્યા. ત્યારે ફક્ત ૨૭૬ બેઠકો જીતી શક્યા. ભાગવતે કહ્યું કે જ્યારે પરિણામો જાહેર થયા ત્યારે મોરોપંત સતારા જિલ્લાના સજ્જનગઢ કિલ્લામાં હતા, જ્યાં તેઓ આ બધી ચર્ચાઓથી દૂર હતા.
ભાગવતે કહ્યું કે મોરોપંતે રામ જન્મભૂમિ ચળવળમાં પણ અશોક સિંઘલને આગળ રાખ્યા. તેઓ પોતે ક્યારેય આગળ વધ્યા નહીં. તેમણે પોતાના આચરણ દ્વારા ખ્યાતિથી દૂર રહીને કામ કરવાનો દાખલો બેસાડ્યો. તેમણે બાળપણથી જ આત્મબલિદાનની કઠિન સાધના કરી હતી. તેઓ સંઘ પ્રત્યે ખૂબ સમર્પિત હતા, પરંતુ તેમને એવું નહોતું લાગતું કે તેઓ આવા કામ કરશે.
