અમેરિકન કોર્ટમાં અદાણી અને અન્ય લોકો સામે નોંધાયેલા તમામ કેસોની સાથે સુનાવણી થશે
(સંપૂર્ણ સમાચાર સેવા)
અમેરિકામાં લાંચના આરોપોનો સામનો કરી રહેલા ભારતીય ઉદ્યોગપતિ ગૌતમ અદાણીને લઈને કોર્ટ સક્રિય થઈ છે. અહેવાલ મુજબ અમેરિકન કોર્ટે અદાણી અને અન્ય લોકો સામે નોંધાયેલા તમામ કેસોની સાથે સુનાવણી કરવાનો ર્નિણય લીધો છે. ઉદ્યોગપતિ પર એનર્જી કોન્ટ્રાક્ટ મેળવવા માટે લાંચ આપવાનો આરોપ હતો. જોકે, ગ્રુપે આ વાતને નકારી કાઢી હતી. તમામ કેસ ડિસ્ટ્રિક્ટ જજ નિકોલસ જી. ગેરોફિસને આપવામાં આવશે. જસ્ટિસ ગેરોફિસ અદાણી સામે ચાલી રહેલા ફોજદારી કેસોની પણ તપાસ કરી રહ્યા છે. હાલ કોર્ટ સ્ટાફને આ અંગે આદેશ જારી કરવામાં આવ્યો છે.
અહેવાલો અનુસાર, ન્યૂયોર્ક કોર્ટે અદાણી અને અન્યો વિરુદ્ધ કેસ ક્લબ કરવાનો આદેશ જારી કર્યો છે. કોર્ટે કહ્યું છે કે, તમામ કેસની સુનાવણી સંયુક્ત ટ્રાયલમાં એકસાથે કરવામાં આવશે. હકીકતમાં, કોર્ટે શોધી કાઢ્યું કે, તમામ કેસોમાં આરોપો અને વ્યવહારો એકસમાન છે. જેના કારણે આ ર્નિણય લેવામાં આવ્યો છે.
આ કેસોમાં US VS અદાણી અને અન્ય (અદાણી સામે ફોજદારી કેસ), સિક્યોરિટીઝ એન્ડ એક્સચેન્જ કમિશન VS અદાણી અને અન્ય (અદાણી વિરુદ્ધ સિવિલ કેસ) તેમજ SEC VS કેબનેસ (અન્ય આરોપીઓ વિરુદ્ધ સિવિલ કેસ)નો સમાવેશ થાય છે. કોર્ટનું કહેવું છે કે આ ર્નિણય ન્યાયિક પ્રક્રિયામાં સુધારો કરવા અને કેસ શેડ્યુલિંગમાં સમસ્યાઓ ટાળવા માટે લેવામાં આવ્યો છે.
અહેવાલ મુજબ, તમામ કેસ જિલ્લા ન્યાયાધીશ નિકોલસ જી. ગેરોફિસને સોંપવામાં આવશે. જસ્ટિસ ગેરોફિસ અદાણી સામે ચાલી રહેલા ફોજદારી કેસોની પણ તપાસ કરી રહ્યા છે. હાલ કોર્ટ સ્ટાફને આ અંગે આદેશ જારી કરવામાં આવ્યો છે. અદાણી અને અન્યો પર સૌર ઊર્જાનો કોન્ટ્રાક્ટ મેળવવા માટે રૂ. ૨,૨૯ કરોડની લાંચ આપવાનો આરોપ છે. અદાણી ગ્રુપે આ આરોપોને પાયાવિહોણા ગણાવ્યા હતા અને કહ્યું હતું કે, ‘અમે કાયદાનું પાલન કરતી સંસ્થા છીએ.’
