Last Updated on by Sampurna Samachar
અંતિમ વિદાયમાં પત્ની અને નવજાત પુત્રી સ્ટ્રેચર પર આવ્યા
એક માર્ગ અકસ્માતે પ્રમોદનો જીવ લીધો
(સંપૂર્ણ સમાચાર સેવા)
એક સૈનિકની દુઃખદ વિદાય આપવામાં આવી છે . મહારાષ્ટ્રના સાતારા જિલ્લાના આરેદરે ગામમાં ભારતીય સેનાના વીર જવાન પ્રમોદ જાધવની અંતિમ વિદાય વખતે હાજર બધાનાં આંખમાં એક માર્ગ આસું આવી ગયા . આર્મી જવાન પ્રમોદ થોડા દિવસ પહેલા રજા પર ઘરે આવ્યા હતા. જેમાં અકસ્માતે પ્રમોદની જિંદગી છીનવી લીધી હતી. પ્રમોદના પત્ની પ્રેગ્નેન્ટ હતા. જે ઘરમાં ખુશીઓ આવાની હતી, આજે આ ઘર પર શોક છવાયો છે.
પ્રમોદના અંતિમ દર્શન કરવા માટે તેમની પત્ની અને નવજાત પુત્રી સ્ટ્રેચર પર આવ્યા હતા. આ દ્રશ્યે સૌકોઈને રડાવ્યા હતા. આર્મી જવાન પ્રમોદ જાધવના નિધનના થોડા કલાકો બાદ તેમની પત્નીએ દીકરીને જન્મ આપ્યો હતો. આ ઘટનાની જાણ થતાં ગામમાં શોક છવાયો હતો. સૈન્ય અને વહીવટીતંત્રની હાજરીમાં અંતિમ સંસ્કારની તૈયારીઓ શરૂ થઈ ત્યારે દરેકની આંખો ભીની થઈ ગઈ.
જે દ્રશ્ય બન્યું તે જોઈને બધાની આંખોમાં આંસુ
સૌથી હૃદયદ્રાવક પળ ત્યારે આવી જ્યારે પ્રમોદ જાધવની પત્નીને અંતિમ દર્શન માટે સ્ટ્રેચર પર હોસ્પિટલમાંથી સીધા લાવવામાં આવ્યા હતા. આગળ જે દ્રશ્ય બન્યું તે જોઈને બધાની આંખોમાં આંસુ. આઠ કલાક પહેલા જન્મેલી આવી ગયા દીકરીને તેના પિતા પાસે લઈ જવામાં આવી. આ દૃશ્ય જોઈને ત્યાં હાજર સૌકોઈ રડી પડ્યા. કેટલાકે પોતાના આંસુ લૂછ્યા, જ્યારે કેટલાક નીચી આંખો સાથે ઊભા રહ્યા.
પ્રમોદ જાધવને રાજકીય સન્માન સાથે સેના દ્વારા સલામી આપવામાં આવી. ગામલોકો, સંબંધીઓ, વહીવટી અધિકારીઓ દરેક વ્યક્તિની આંખો આંસુથી છલકાઈ હતી.
