કોઇના રૂપિયા ડૂબશે નહીં તેમ સ્કીમના ભાગીદારે કહ્યું
(સંપૂર્ણ સમાચાર સેવા)
અમદાવાદના સાઉથ બોપલમાં એક બિલ્ડરે પ્રિ-બુકિંગના નામે ૨૦૦થી વધુ લોકો પાસેથી ૪૦ કરોડ રૂપિયા એકઠા કર્યા અને પછી ફરાર થઈ ગયો. “રિચમંડ પ્રિવિલોન” અને “સેલેસ્ટિયલ” નામની સ્કીમોમાં ફ્લેટ બુક કરાવનારા લોકો પોતાના નાણાં ગુમાવવાના ડરથી ચિંતિત છે. કેટલાકને ચેક આપવામાં આવ્યા છે જે બાઉન્સ થયા છે. આ સમગ્ર મામલે હવે ભોગ બનનારા લોકોએ પોલીસ ફરિયાદ નોંધાવી છે.
શહેરોમાં વસતો નોકરીયાત મધ્યમવર્ગ પોતાનું ઘરનું ઘર વસાવવા માટેના સપના જાેતો હોય છે. પરંતુ અમદાવાદના સાઉથ બોપલ વિસ્તારમાં બિલ્ડરે પ્રિ-બુકિંગના નામે લોકોને છેતર્યા છે. ૪૦ કરોડ લઇને બિલ્ડર ફરાર છે અને બુકિંગ કરાવનાર લોકો પોતાની મરણમૂડીને લઇને ચિંતિત છે.
અમદાવાદના સાઉથ બોપલ વિસ્તારમાં ઘર લેવાના નામે ૨૦૦ લોકો છેતરપિંડીનો શિકાર બન્યા છે. પ્રિવિલોન બિલ્ડકોન એલએપીએ ૩ અને ૨ BHK ના ફ્લેટની બે સ્કીમ મૂકી હતી. રિચમંડ પ્રિવિલોન અને અને સેલેસ્ટિયલ નામની સાઈટમાં બિલ્ડરે પ્રી-બુકિંગ શરૂ કર્યું. બુકિંગ પેટે ૨૦૦થી વધુ લોકોએ પાસેથી રૂ.૧૫ લાખ સુધીની લીધી હતી. હવે એવુ સામે આવી રહ્યું છે કે બિલ્ડરે જમીનના પૂરા નાણાં ચુકવ્યા ન હોવાથી સોદો રદ થયો. સેલેસ્ટિયલ પહેલા પ્રોવિલોન ગ્રુપની હતી પણ જમીનનો સોદો ન થઈ શકતા હાલ અન્ય બિલ્ડરે પોતાનુ કામ શરૂ કર્યું છે. પરંતુ સેલેસ્ટિયલની સ્કિમમાં એડવાન્સ બુકિંગ કરનારા લોકો જ્યારે પોતાના નાણાં પરત લેવા પહોંચ્યા ત્યારે બિલ્ડે હાથ ઉંચા કરી નાખ્યા.. બિલ્ડરે પોતાની હાલમાં કોઈ મૂડી ન હોવાનું કહેતા જ બુકિંગ કરવાનારા લોકોને ફાળ પડી છે. છેતરપિંડીનો ભો ગ બનેલા લોકોએ SP ઓફિસમાં રજૂઆત કરી હતી. કેટલાક લોકોને ચેક આપ્યા છે, પરંતુ તેમાંથી ઘણાના ચેક બાઉન્સ પણ થયા છે.
જોકે સ્કીમમાં ભાગીદાર રહેલા હરેન કારિયાએ કહ્યું હતું કે, હું ૬ મહિના પહેલા જ ભાગીદારીમાંથી છૂટો થઇ ગયો છું. હું લોકોની તેમણે ભરેલી રકમ પરત મળે તેવા તમામ પ્રયત્નો કરીશ. કોઇના રૂપિયા ડૂબશે નહીં. પણ હાલ તો જ્યાં સુધી લોકોને પોતાના ભરેલા નાણાં દુધે ધોયેલા ન મળે ત્યાં સુધી બુકિંગ કરાવનારા લોકો ઉચાટમાં રહેશે તે તો નક્કી.
