સાંસદ ઝિયાઉર રહેમાન બર્ક વિરુદ્ધ વીજળી ચોરીનો કેસ દાખલ
(સંપૂર્ણ સમાચાર સેવા)
છેલ્લા ૨૪ કલાકમાં સંભલના સમાજવાદી પાર્ટીના સાંસદ જિયાઉર રહેમાન વિરુદ્ધ આ પાંચમી કાર્યવાહી છે. દરોડા, FIR અને પાવર કટ બાદ હવે યોગી સરકારનું બુલડોઝર તેમના ઘરે પહોંચ્યું, પગથિયા તોડી નાખ્યા છે. એવું કહેવાય છે કે નકશા પાસ કર્યા વિના ઘર બનાવવા માટે SDM સાંસદને બે નોટિસ મોકલી ચૂક્યા છે. આ સાથે સાંસદે ઘરની બહાર ગટર પર પગથિયાઓ બનાવ્યા હતા. નગરપાલિકા આ વિસ્તારમાં ગેરકાયદેસર અતિક્રમણ સામે સતત કાર્યવાહી કરી રહી છે.
સમાજવાદી પાર્ટીના સાંસદ ઝિયાઉર રહેમાન બર્કની મુશ્કેલીઓ ઓછી થવાના કોઈ સંકેત દેખાઈ રહ્યા નથી. બુલડોઝરની કાર્યવાહી પહેલા, પાવર થેફ્ટ વિરોધી પોલીસે SP સાંસદ ઝિયાઉર રહેમાન બર્ક વિરુદ્ધ વીજળી ચોરીનો કેસ નોંધ્યો હતો. આ ઉપરાંત વિદ્યુત વિભાગે તેમના પર ૧.૯૧ કરોડ રૂપિયાનો દંડ પણ લગાવ્યો છે. આ ઉપરાંત વિભાગના અધિકારીઓને ધમકાવવા બદલ નખાસા પોલીસ સ્ટેશનમાં તેમના પિતા મમલુકુર રહેમાન બર્ક અને તેના બે સહયોગીઓ સામે FIR પણ નોંધવામાં આવી હતી.
વીજળી ચોરીની પુષ્ટિ થયા બાદ વિભાગે સાંસદના ઘરનું વીજ જોડાણ પણ કાપી નાખ્યું હતું. જોકે, સાંસદના એડવોકેટે દરોડા સામે વાંધો ઉઠાવ્યો છે અને ઓવરલોડિંગના આરોપને ફગાવી દીધો છે. તેમણે જણાવ્યું કે ઘરમાં 10 કિલોવોટની સોલાર પેનલ અને પાંચ કિલોવોટનું જનરેટર પણ લગાવવામાં આવ્યું છે. સ્માર્ટ મીટર અને જુના મીટરની ચકાસણી કરતાં વીજ ચોરી બહાર આવી હતી. વીજ વિભાગની ટીમે ભારે પોલીસ બંદોબસ્તની હાજરીમાં તેમના ઘરે વીજ ચોરી અને ગેરરીતિની તપાસ કરી હતી. સ્માર્ટ મીટર અને જુના મીટરની ચકાસણી કરતાં વીજ ચોરી બહાર આવી હતી.
તપાસ અનુસાર, સાંસદના ઘરે ૧૬.૪૦ કિલોવોટ લોડ ચાલી રહ્યો છે. એક સ્માર્ટ મીટરમાં ૫.૯ કિલોવોટનો લોડ જોવા મળ્યો હતો, જ્યારે તે મીટરનો કનેક્શન લોડ બે કિલોવોટ હતો. છેલ્લા એક વર્ષમાં તેમના અને તેમના દાદાના નામ પર નોંધાયેલા બે કિલોવોટ કનેક્શન માટે માત્ર રૂ. ૧૪,૩૬૩નું બિલ આવ્યું હતું. વીજળી વિભાગે એમપી બર્કના ઘરે બખ્તરબંધ કેબલ સાથે સ્માર્ટ મીટર લગાવ્યું હતું. સ્માર્ટ મીટરનો લોડ જૂના મીટરના રીડિંગ સાથે બરાબર મેળ ખાતો ન હતો, જેના કારણે જૂના મીટર સાથે ચેડાં કરવામાં આવ્યા હોવાનું સ્પષ્ટ થયું હતું.
