બાંગ્લાદેશની અવળચંડાઇ વધી !!

Share this Article:

બાંગ્લાદેશ સરકારે ઇસ્કોનને ધાર્મિક કટ્ટરવાદી સંગઠન જાહેર કર્યું

ઈસ્કોન પર પ્રતિબંધ લગાવવાની તૈયારીઓ શરુ થઇ

(સંપૂર્ણ સમાચાર સેવા)

પાડોશી દેશ બાંગ્લાદેશ હાલમાં ભારે અશાંતિમાંથી પસાર થઈ રહ્યો છે. હિંદુઓ પર હુમલા અને ધાર્મિક નેતા ચિન્મય પ્રભુની ધરપકડ બાદ હવે તેની અવળચંડાઇમાં પણ વધતી જઈ રહી છે. ઈસ્કોન પર પ્રતિબંધ લગાવવાની તૈયારીઓ થઈ રહી છે. આ મામલે હાઈકોર્ટમાં પિટિશન દાખલ કરવામાં આવી છે.

દરમિયાન બાંગ્લાદેશ સરકારે ઇસ્કોનને ધાર્મિક કટ્ટરવાદી સંગઠન જાહેર કર્યું છે. હાઈકોર્ટમાં બાંગ્લાદેશના એટર્ની જનરલે કહ્યું કે આ સરકારનો મુખ્ય એજન્ડા છે અને તેના માટે જરૂરી તૈયારીઓ શરૂ કરી દેવામાં આવી છે. મતલબ કે ઈસ્કોન પર ટૂંક સમયમાં પ્રતિબંધ મુકવામાં આવશે.

એટર્ની જનરલે કોર્ટને જણાવ્યું કે ઈસ્કોન એક ધાર્મિક કટ્ટરવાદી સંગઠન છે. આના પર કોર્ટે તેમને ઇસ્કોન પર સરકારના વલણ અને દેશની વર્તમાન પરિસ્થિતિની રૂપરેખા રજૂ કરવાનો નિર્દેશ આપ્યો હતો. કોર્ટે સરકારને એલર્ટ રહેવા કહ્યું છે જેથી દેશમાં કાયદો અને વ્યવસ્થાની સ્થિતિ બગડે નહીં.

આ સંદર્ભમાં હાઈકોર્ટના જસ્ટિસ ફરાહ મહેબૂબ અને જસ્ટિસ દેબાશીષ રોયની બેંચે જણાવ્યું હતું કે અગાઉ એક વકીલે ઈસ્કોન પર પ્રતિબંધ મૂકવા માટે અરજી કરી હતી અને ચિટગાંવમાં વકીલ સૈફુલ આલમની હત્યા સહિતની સમગ્ર સ્થિતિ કોર્ટના ધ્યાન પર લાવી હતી. તેના પર કોર્ટે હવે સરકારને પૂછ્યું છે કે ઈસ્કોન સંસ્થા શું છે? તે ક્યાંથી આવ્યું? તેના પર એટર્ની જનરલે કહ્યું કે તે કોઈ રાજકીય પક્ષ નથી પરંતુ ધાર્મિક કટ્ટરવાદી સંગઠન છે. તમને જણાવી દઈએ કે થોડા દિવસો પહેલા તેમણે બંધારણમાંથી ધર્મનિરપેક્ષતા શબ્દ હટાવવાની માંગ કરી હતી.

ઉલ્લેખનીય છે કે બાંગ્લાદેશની લો એન્ફોર્સમેન્ટ એજન્સીએ ૨૫ નવેમ્બરના રોજ રાજદ્રોહના આરોપમાં ચિન્મય કૃષ્ણ દાસની ધરપકડ કરી હતી. બાંગ્લાદેશની કોર્ટે મંગળવારે તેને જામીન આપ્યા ન હતા અને તેને જેલમાં મોકલી દીધો હતો. આ પછી ચિન્મય દાસના સમર્થકો રસ્તા પર ઉતરી આવ્યા અને હિંસક દેખાવો શરૂ કર્યા હતા.

Share this Article:

Posted By: 

Sampurna Samachar is the fastest-growing Daily Gujarati news Paper and Gujarati News in Gujarat since 2010. Flagship Brand Sampurna Samachar, which bring its dedicated readers the most reliable, authentic and unbiased news among every Gujarati news site. It provides more diverse multimedia content than other linguistic sites. Its dedicated online editorial team delivers exclusive and comprehensive content every day. Besides this, numerous numbers of news from the broad network of Sampurna Samachar Newspapers are available to the Gujarati speaking people who live globally. Our site is updated 24 hours a day so that every core event can reach our readers instantly.