આણંદ રૂરલ પોલીસ મથકમાં સામ સામે ફરિયાદ નોંધાઈ
(સંપૂર્ણ સમાચાર સેવા)
આણંદ નજીક આવેલા સદાનાપુરા ગામે દિકરીને તેડવાની બાબતે બે પરિવારો વચ્ચે મારામારી થતા ચાર વ્યક્તિઓને ઈજા થઈ હતી. આ બનાવ અંગે આણંદ રૂરલ પોલીસ મથકમાં સામ સામે ફરિયાદો નોંધાઈ છે.
પોલીસ મથકે નોધાવેલ ફરિયાદ અનુસાર આણંદ નજીક સદાનાપુરા ITI કબ્રસ્તાન નજીકના વિસ્તારમાં રહેતા ૨૧ વર્ષીય ઝરીનાબાનુ ઈકબાલબાઈ સિકંદરભાઈ દિવાનના લગ્ન ચાર વર્ષ અગાઉ સદાનાપુરા ITI કબ્રસ્તાન નજીકના વિસ્તારમાં રહેતા ઈકબાલભાઈ સિકંદરભાઈ સાથે થયા હતા. શરૂઆતમાં સુખી લગ્ન જીવનના ફળ સ્વરૂપે બે દીકરીઓનો જન્મ થયો હતો. ઝરીનાબાનુના પિતા, માતા, બહેન, બનેવી ઝરીનાબાનુને મળવા માટે આવ્યા હતા. ત્યારે ઝરીનાબાનુના પતી ઈકબાલબાઈ સિકંદરભાઈ દિવાન, સસરા સિકંદરશા અબ્દુલશા અનવરશા દિવાન અને જાવેદશા કાલુશા દિવાન ઘરે હાજર હતા.
આ વખતે ઝરીનાબાનુને તેઓના પિતાએ તું ઘણા સમયથી મારા ઘરે આવેલ નથી. તુ મારી સાથે ચાલ તેમ કહેતા જ પતી ઈકબાલબાઈ તારે જવું હોય તો જા છોકરીઓને લઈ જઈશ નહીં જેથી ઝરીનાબાનુએ છોકરીઓ હજુ બે માસની છે. મારા વગર રહેશે નહીં તેમ કહેતા જ એકદમ પતિ ઈકબાલભાઈ ઉશ્કેરાઈ જઈ ગાળો બોલી રિક્ષામાં મૂકેલી ટોમી લઈ આવી ઝરીનાબાનુના પિતાને માથામાં તેમજ બરડાના ભાગે મારી દઈ તેમજ ઉપરાણુ લઈ સિકંદરશા અબ્દુલશા દિવાન અને જાવેદશા કાલુશા દિવાન આવી પહોંચ્યા હતા અને ઝરીનાબાનુના માતા પિતાને ગડદાપાટુનો માર માર્યો હતો.
આ બનાવ અંગે ઝરીનાબાનુ ઈકબાલભાઈ સિકંદરભાઈ દિવાનની ફરિયાદ લઈ આણંદ રૂરલ પોલીસે ઈકબાલભાઈ સિકંદરભાઈ દિવાન સહિત ચાર વિરુદ્ધ ગુનો દાખલ કરી આગળની કાર્યવાહી હાથ ધરી છે. સામા પક્ષે ઈકબાલભાઈ સિકંદરભાઈ દિવાને નોંધાવેલી ફરિયાદમાં જણાવ્યા મુજબ તેઓની પત્ની ઝરીનાબાનુને તેઓના પિતા અનવરશા મહંમદશા દિવાન, સાબીરશા ઉર્ફે એસ.કે દિવાન, શકીનાબેન અનવરશા દિવાન,અને અબ્દુલ સમીરભાઈ સાબીરશા દિવાન તેડવા આવ્યા હતા ત્યારે ઈકબાલભાઈના પિતા સાથે બોલાચાલી કરી લાકડાના દંડાથી હાથમાં, બરડામાં ઈજ કરી ગડદાપાટુનો માર મારી જાનથી મારી નાંખવાની ધમકીઓ આપ્યાની ફરિયાદ નોંધાવતા પોલીસે બંને પક્ષોની ફરિયાદો લઈ આગળની કાર્યવાહી હાથ ધરી છે.
