૧૬૦ ફ્લાઈટ મોડી પડી તો એરલાઈન્સે જારી કરી એડવાઈઝરી
(સંપૂર્ણ સમાચાર સેવા)
દિલ્હીની હવા ૧૮ નવેમ્બરની સવારે તેના સૌથી ખતરનાક સ્તરે હતી . એર ક્વોલિટી ઈન્ડેક્સ ૪૮૧ પર પહોંચી ગયો હતો . પ્રદૂષણ અને ધુમ્મસથી પીડિત દિલ્હીમાં ફ્લાઈટને ઘણી અસર પડી છે. ગાઢ ધુમ્મસને કારણે વિઝિબિલિટી ઓછી થવાથી દિલ્હીના ઈન્દિરા ગાંધી ઈન્ટરનેશનલ એરપોર્ટ પર સવારે ૮.૩૦ વાગ્યા સુધી લગભગ ૧૬૦ ફ્લાઈટ્સ મોડી પડી હતી. ફ્લાઇટ-ટ્રેકિંગ વેબસાઇટ અનુસાર, ૧૧૮ ફ્લાઇટને પ્રસ્થાનમાં અને ૪૩ ફ્લાઇટને આગમનમાં વિલંબ થયો હતો. પ્રસ્થાનમાં સરેરાશ ૨૨ મિનિટનો વિલંબ નોંધવામાં આવ્યો હતો. ઓછી વિઝિબિલિટીના કારણે પાંચ ફ્લાઈટ્સ ડાયવર્ટ કરવામાં આવી હતી.
દિલ્હી ઇન્ટરનેશનલ એરપોર્ટ લિમિટેડએ જણાવ્યું કે, ઓછી વિઝિબિલિટી પ્રક્રિયા ચાલુ છે, પરંતુ મુસાફરોને ખાતરી આપીએ છીએ કે, તમામ ફ્લાઇટ કામગીરી હાલમાં સામાન્ય છે. જોકે, મુસાફરોને અપડેટેડ ફ્લાઇટની માહિતી માટે તેમની એરલાઇન્સનો સંપર્ક કરવાની સલાહ આપવામાં આવે છે. અહેવાલ અનુસાર, સોમવારે સવારે દિલ્હી એરપોર્ટ પર ૭ ફ્લાઈટ્સ રદ્દ કરવામાં આવી હતી કારણ કે ગાઢ ધુમ્મસને કારણે વિઝિબિલિટી ઘટી ગઈ હતી.
એરલાઇન કંપનીઓએ તેમના મુસાફરોને ગાઢ ધુમ્મસને કારણે ફ્લાઇટમાં વિલંબ અંગે સલાહ આપી. ઇન્ડિગો એરલાઇન્સે મુસાફરી પર ધુમ્મસની અસરને સ્વીકારીને એડવાઇઝરી જારી કરી હતી. એરલાઈને ટિ્વટર પર એક પોસ્ટમાં કહ્યું કે, “ધુમ્મસ હજુ દિલ્હીની વિઝિબિલિટીને અસર કરી રહ્યું છે, જેના પરિણામે ટ્રાફિક ધીમો પડી શકે છે અને ફ્લાઈટના શેડ્યૂલમાં વિલંબ થઈ શકે છે. અમે તમારી મુસાફરી શરૂ કરતા પહેલા મુસાફરીના વધારાના સમય અને ફ્લાઇટની સ્થિતિ તપાસવાની ભલામણ કરીએ છીએ. સલામત યાત્રા! પણ આવી જ એડવાઈઝરી જારી કરી છે. તેમણે એક પોસ્ટમાં કહ્યું છે કે, દિલ્હીમાં નબળી વિઝિબિલિટીને કારણે, તમામ પ્રસ્થાન/આગમન અને તેની પરિણામી ફ્લાઇટ્સ પ્રભાવિત થઈ શકે છે. સ્પાઈસજેટના મુસાફરોને વિનંતી કરવામાં આવે છે કે તેઓ તેમની ફ્લાઇટની સ્થિતિ તપાસતા રહે.
