બ્રિટિશ રોક બેન્ડ કોલ્ડપ્લે કોન્સર્ટ પહેલા જ અમદાવાદની હોટલના ભાવ વધ્યા
૨૫ જાન્યુઆરીએ અમદાવાદના નરેન્દ્ર મોદી સ્ટેડિયમમાં યોજાશે કોન્સર્ટ
(સંપૂર્ણ સમાચાર સેવા )
કોલ્ડપ્લે એ બ્રિટિશ રોક બેન્ડ છે, જે તેમના મ્યુઝિક ઓફ ધ સ્ફિયર્સ વર્લ્ડ ટૂર માટે ભારત આવી રહ્યું છે. લોકોમાં આ કોન્સર્ટનો ક્રેઝ જોવા મળી રહ્યો છે, પરંતુ તેની અસર હોટલોના ભાવ પર પણ પડી છે. લોકો સોશિયલ મીડિયા પ્લેટફોર્મ પર અમદાવાદમાં હોટલના રૂમના વધેલા દરો શેર કરી રહ્યા છે. ચાલો આ પાછળનું કારણ વિગતવાર સમજીએ.
કોલ્ડપ્લે રોક બેન્ડનું પરફોર્મન્સ ૧૮, ૧૯ અને ૨૧ જાન્યુઆરીએ મુંબઈમાં યોજાશે. આ પછી ૨૫ જાન્યુઆરીએ અમદાવાદના નરેન્દ્ર મોદી સ્ટેડિયમમાં કોલ્ડપ્લેનો કોન્સર્ટ યોજાશે. પ્રખ્યાત રોક બેન્ડના શોને કારણે શહેરમાં હોટેલના ભાવમાં નોંધપાત્ર વધારો થયો છે. અમદાવાદમાં કોલ્ડપ્લે બેન્ડના કોન્સર્ટની આસપાસ હોટેલ બુકિંગના દરમાં નોંધપાત્ર વધારો થયો છે. આશ્ચર્ય વ્યક્ત કરતા, એક યૂઝર્સે કહ્યું કે ૨૪-૨૫ જાન્યુઆરીની આસપાસ અમદાવાદમાં એક રાત ગુજારવા ૫૦,૦૦૦ રૂપિયા ખર્ચ કરવા પડશે.
એક અહેવાલ મુજબ, અમદાવાદમાં હોટલના વધતા દરને જાેઈને સોશિયલ મીડિયા યુઝર્સ ગુસ્સે છે. લોકો ઠ પર તેમના અંગત અનુભવો શેર કરી રહ્યા છે. એક યુઝરે કહ્યું કે કોન્સર્ટની જાહેરાત બાદ તેણે નરેન્દ્ર મોદી સ્ટેડિયમ પાસેની હોટલમાં બુકિંગ કરાવ્યું. પરંતુ ઈમેલ દ્વારા જણાવવામાં આવ્યું કે બુકિંગ કેન્સલ થઈ ગયું છે અને હવે તેની કિંમત પણ વધી ગઈ છે.
કોલ્ડપ્લેનું નામ વિશ્વના સફળ બેન્ડની યાદીમાં સામેલ છે. આવતા વર્ષે એટલે કે જાન્યુઆરીમાં આ બેન્ડ મુંબઈ અને અમદાવાદમાં લાઈવ કોન્સર્ટ કરશે. ખાસ વાત એ છે કે કોલ્ડપ્લે રોક બેન્ડ ૯ વર્ષ પછી ભારતમાં પરફોર્મ કરશે. હા, આ બેન્ડે વર્ષ ૨૦૧૬માં પહેલીવાર ભારતમાં લાઈવ કોન્સર્ટ કર્યો હતો. હવે જાન્યુઆરી ૨૦૨૫માં લોકપ્રિય બ્રિટિશ બેન્ડ મુંબઈ અને અમદાવાદમાં પરફોર્મ કરશે.
