Last Updated on by Sampurna Samachar
મસ્જિદ સંપૂર્ણપણે નાશ પામી હતી
ભૂકંપનું કેન્દ્ર પૃથ્વીની અંદર ૧૦ કિલોમીટર અંદર નોંધાયું
(સંપૂર્ણ સમાચાર સેવા)
મ્યાનમારમાં આવેલા પ્રચંડ ભૂકંપને કારણે મ્યાનમારમાં મંડલે મસ્જિદમાં ૨૦ લોકોના મોત થયા છે. સ્થાનિક મીડિયા રિપોર્ટ્સ અનુસાર, ભૂકંપના તીવ્ર આંચકાને કારણે મ્યાનમારના મંડલેમાં એક મસ્જિદ સંપૂર્ણપણે નાશ પામી હતી. જ્યારે આ ઘટના બની ત્યારે મસ્જિદની અંદર ઘણા લોકો હાજર હતા.
મળતા અહેવાલ મુજબ, મ્યાનમારમાં આવેલા ભૂકંપને કારણે અત્યાર સુધીમાં ૨૫ લોકોના મોત થયા છે. મ્યાનમારના ટુંગૂમાં પણ ૫ લોકોના મોત થયા છે. જ્યારે થાઇલેન્ડમાં આવેલા ભૂકંપને કારણે બેંગકોકમાં ડઝનબંધ લોકો ઘાયલ થયા છે. આ સમયગાળા દરમિયાન, ૪૩ લોકો ગુમ થયા છે.
સોશિયલ મીડિયા પર વિડીયો વાયરલ
મ્યાનમારની સેનાએ દેશના મધ્ય ભાગના મોટા ભાગોમાં કટોકટીની સ્થિતિ જાહેર કરી છે, જેમાં બીજા ક્રમનું શહેર મંડલે અને લશ્કર દ્વારા નિર્મિત રાજધાની નાયપીડોનો સમાવેશ થાય છે. અનુસાર, સાગાઇંગ, મંડલે, બાગો અને મેગવે પ્રદેશો તેમજ પૂર્વીય શાન રાજ્યમાં કટોકટીની સ્થિતિ જાહેર કરવામાં આવી છે. ચીન, થાઈલેન્ડ અને મ્યાનમારમાં આવેલા ભૂકંપ પછી, સોશિયલ મીડિયા પર એક વીડિયો વાયરલ થઈ રહ્યો છે, જેમાં બહુમાળી ઇમારતની ટોચ પર બનેલા સ્વિમિંગ પૂલમાંથી પાણી પડી રહ્યું છે.
પડોશી મ્યાનમારમાં આવેલા ભૂકંપ બાદ થાઇલેન્ડના વડાપ્રધાને બેંગકોકને ‘ઇમરજન્સી ઝોન‘ જાહેર કર્યું છે. શહેરના ચતુચક પાર્ક વિસ્તારમાં એક ઇમારત ધરાશાયી થતાં એક વ્યક્તિનું મોત થયું હતું અને શહેરમાં ભારે નુકસાન થયું હોવાનું જાણવા મળ્યું છે. PM કાર્યાલયના એક નિવેદન અનુસાર, “વડાપ્રધાનએ ગૃહ મંત્રાલયને તાત્કાલિક બેંગકોકને કટોકટી ક્ષેત્ર જાહેર કરવા અને દેશના તમામ રાજ્યોને તેને કટોકટી તરીકે ધ્યાનમાં લેવા માટે જાણ કરવા સૂચના આપી છે જેથી જરૂર પડ્યે તાત્કાલિક જાહેર સહાય પૂરી પાડી શકાય.”
નેશનલ સેન્ટર ફોર સિસ્મોલોજીએ માહિતી આપી છે કે મ્યાનમારમાં બીજો ભૂકંપ રાત્રે ૧૨:૦૨ વાગ્યે આવ્યો હતો. આ ભૂકંપ પણ ખતરનાક હતો અને તેની તીવ્રતા રિક્ટર સ્કેલ પર ૭.૦ માપવામાં આવી હતી. આ ભૂકંપનું કેન્દ્ર પણ પૃથ્વીની અંદર ૧૦ કિલોમીટર અંદર હતું.
